Skeljar

Leiksýning eftir Magnús Thorlacius.

Sýnd í Ásmundarsal í febrúar.

Skeljar er ljúfsár leiksýning um par sem kynnist upp á nýtt við að skipuleggja brúðkaupið sitt.

Hvers vegna giftum við okkur í dag? Er hjónaband bara praktískt ,,næsta skref” fyrir lífsförunauta sem vilja styrkja stöðu sína gagnvart sköttum og bótum? Að bjóða bjúrókrasíunni upp í hjónarúmið? Svo ekki sé minnst á brúðkaupsdaginn sjálfan. Á hvaða hefðum byggjum við það sem sem við köllum fallegasta dag lífs okkar? Hvaðan koma þessar hefðir og hvers vegna höldum við í þær? Því þegar öllu er á botninn hvolft er það að gifta sig í raun ekkert annað en að setja upp leikrit á stærsta degi lífs síns. En er það að vera í hjónabandi leikrit líka?

Leikritið Skeljar fjallar um þær hugmyndir sem við höfum um hjónabönd, trúlofanir og giftingar. Annarri hæðinni í Ásmundarsal verður umbreytt í brúðkaupssal þar sem persónurnar keppast við að undirbúa veisluna sem og breytingarnar sem hann mun hafa í för með sér á líf þeirra. Á milli sýninga verður salurinn opinn gestum og gangandi þar sem hægt verður að skyggnast í undirbúninginn fyrir stóra daginn.

Höfundur og leikstjóri: Magnús Thorlacius

Leikarar: Vilberg Pálsson og Hólmfríður Hafliðadóttir

Tónlist og hljóðmynd: Katrín Helga Ólafsdóttir

Aðstoðarleikstjóri: Ástrós Hind Rúnarsdóttir

Leikmynd og ljós: Magnús Thorlacius

Ljósmyndir: Annalísa Hermannsdóttir

Grafísk hönnun: Guðrún Sara Örnólfsdóttir