Í tilefni af útgáfu fyrstu stóru plötu Spacestation, mun hljómsveitin halda tónleika í IÐNÓ þann 7 mars 2025. Dyrnar opna klukkan 20:00 og tónleikar hefjast stundvíslega klukkan 21:00. Miðasala og upphitun auglýst síðar.

Hljómsveitin Spacestation dregur innblástur sinn úr 60’s rokki og shoegaze og hafa það að markmiði að hreyfa við áheyrendum svo þau dansi og dilli sér. Spacestation hafa verið áberandi í íslenskri grasrót síðasta árið og hafa lögin “Í draumalandinu” og “Hvítt vín” fengið spilun og vakið athygli. Tónlistin fjallar um næturlífið, ást og önnur ávanabindandi efni.