Einstakt Ferðalag er áhrifarík heimildarmynd um Ægi Þór, 11 ára dreng frá Höfn í Hornafirði, sem hefur verið greindur með Duchenne muscular dystrophy, sjaldgæfan vöðvasjúkdóm sem skerðir hreyfigetu hans. Í myndinni fer Ægir Þór í ferðalag um Ísland þar sem hann hittir önnur börn sem glíma við sjaldgæfa sjúkdóma. Þau deila sögum sínum, áskorunum og vonum, og saman mynda þau einstakt tengslanet á þeirri sameiginlegu vegferð að lifa með sjúkdómum sem fáir skilja.