Ómi söngur í hamranna hlíð

Kór Menntaskólans við Hamrahlíð heldur tvenna tónleika í hátíðarsal skólans laugardaginn 7. nóvember kl 16 og kl 18. Hefðbundin kórverk hljóma í bland við frumflutning verka. Í tilefni af 60 ára afmæli skólans var efnt til tónverkakeppni og á tónleikunum mun Kór MH frumflytja verðlaunaverk keppninnar eftir tónskáldið Björn Önund Arnarson. Gestakór  verður Kammerkórinn Huldur sem fagnar 5 ára afmæli á þessum tónleikum.  Stjórnandi er Hreiðar Ingi Þorsteinsson.