Þann 12. desember mun hljómsveitin Dikta halda sína árlegu jólatónleika á Sjálandi í Garðabæ.

Það þarf vart að kynna Diktu fyrir Íslendingum enda fyrir margt löngu búnir að
syngja sig og spila inn í hjörtu þjóðarinnar með hverjum smellinum á fætur öðrum sem fengið hafa að hljóma á öldum ljósvakans. Síðustu ár hefur hljómsveitin jafnan haldið tónleika á þessum árstíma og
spilað jólalög í bland við sín eigin lög í sparibúningi. Það verður engin breyting á því í ár og verður hugljúfur jólaandinn í algeru fyrirrúmi. Engin hætta er á öðru en að hver sá sem mætir á þennan viðburð fari þaðan með bros á vör. Ekki láta þig vanta á Sjáland þann 12. desember.

Húsið opnar kl 19:00 og tónleikar hefjast kl 20:00.

Hægt er að kaupa gómsætan smáréttaplatta. Á honum má finna:

• Rækjukokteill á smjördeigi með sítrónu og papriku
  
  

• Kalkúnataco, piparrótardressing, perur og pikklað rauðkál
  
  

• Graflaxsamloka með kotasælusalati og graflaxssósu
  
  

• Hreindýraborgari með grænum eplum og gráðakostadressingu
  
  

• Hnetusteik með döðlu hindberjachutney og apríkósudressingu (v)
  
  

Hlökkum til að sjá ykkur í einum glæsilegasta veislusal landsins.