JFDR er sólóverkefni Jófríðar Ákadóttur. Hún hóf feril sinn sem meðlimur í hljómsveitunum Pascal Pinon og Samaris en starfar nú sem sólólistamaður, kvikmyndatónskáld og hefur auk þess unnið og komið fram með fjölmörgum tónlistarmönnum eins og t.d. Ólafi Arnalds og Damien Rice. Síðasta plata hennar kom út í fyrra og ber heitið Museum en hún einkennist af minimalískum útsetningum, draumkenndum hljóðheimi og ríkum laga- og textasmíðum. Museum var valin plata ársíns í flokki Popp, rokk, hipphopp og raftónlistar á Íslensku tónlistarverðlaununum 2024.