Tix.is

Harpa

  • 01. ágúst
Miðaverð:5.000 - 7.000 kr.
Um viðburðinn

ALÞJÓÐLEGA TÓNLISTARAKADEMÍAN Í HÖRPU 1.-15. ÁGÚST 2019

HIMA hátíðarpassi
Einn hátíðarpassi fyrir 7.000 kr, tveir fyrir 10.000 kr

Alþjóðlega tónlistarakademían í Hörpu (HIMA) snýr aftur í sjöunda sinn með námskeið fyrir nemendur í klassískum hljóðfæraleik dagana 1. – 15. ágúst. Alþjóðlegu tónlistarakademíuna 2019 sækja hæfileikaríkir íslenskir og erlendir hljóðfæranemendur sem fá þjálfun hjá framúrskarandi listamönnum. Um sjötíu þátttakendur frá sjö löndum fá meðal annars einkatíma, masterklassa og meðleikstíma. Þeir spila kammertónlist og í strengjasveit og býðst að leika einleiksverk á nemendatónleikaröð HIMA í Hörpu. Kennarar eru allir úr fremstu röð íslenskra hljóðfæraleikara auk valinna gestaprófessora frá tónlistarháskólum erlendis. Með því að veita hágæða einkakennslu og leggja áherslu á kammertónlist og hljómsveit styrkir námskeiðið allar undirstöður nemandans og hvetur næstu kynslóð hljóðfæraleikara til dáða.

Meðal erlendra samstarfsaðila eru Atlanta Festival Academy og Point CounterPoint í Bandaríkjunum, hið amerísk-danska New Music for Strings, Lin Yao Ji Foundation í Kína og alþjóðlega Menuhin fiðlukeppnin. Hvert samstarfsverkefni styrkir stöðu og námsframboð HIMA. Strengjasveitin verður nú haldin í samvinnu við New Music for Strings hátíðina og verður sveitin leidd af fiðluleikaranum Eugene Drucker úr hinum heimsfræga Emerson strengjakvartett.

Tónleikar og masterklassar 6. -15. ágúst

6. ágúst kl. 16:30 - Fiðlumasterklass með Lin Wei: In the Style of Lin Yao Ji
6. ágústl kl. 19:30 - Opnunartónleikar: Kvöldstund með strengjakvartettum
10. ágúst kl. 12:00 - Rising Stars: Nemendatónleikar I
10. ágúst kl. 14:00 - Fiðlumasterklass með Anton Miller
10. ágúst kl. 14:00 - Víólumasterklass með Rita Porfiris
10. ágúst kl. 17:00 - Rising Stars: Nemendatónleikar II
10. ágúst kl. 19:30 - Unglistakonur I: Diana Adamyan fiðla, Richard Simm píanó
11. ágúst kl. 9:00 - Píanómasterklass með Daumants Liepins
11. ágúst kl. 13:00 - Unglistakonur II: Geirþrúður Anna Guðmundsdóttir selló, Jane Ade Sutarjo píanó
11. ágúst kl. 16:00 - Kennaratónleikar HIMA: Kammermúsík
12. ágúst kl. 12:00 - Rising Stars: Nemendatónleikar III
13. ágúst kl. 12:00 - Rising Stars: Nemendatónleikar IV
13. ágúst kl. 19:30 - Rising Stars: Nemendatónleikar V
14. ágúst kl. 12:00 - Rising Stars: Nemendatónleikar VI
14. ágúst kl. 19:30 - Rising Stars: Nemendatónleikar VII
15. ágúst kl. 12:00 - Rising Stars: Píanó og blásarar
15. ágúst kl. 16:30 - Dansað á strengjum: Tónleikar yngri deildar
15. ágúst kl. 19:30 - Hátíðartónleikar HIMA og NMFS: Strengjasveit og kammertónlist

Nánari upplýsingar má finna á www.himafestival.is