Um viðburðinn

Kristinn Sigmundsson er einn ástsælasti söngvari íslensku þjóðarinnar fyrr og síðar og stendur nú á hátindi ferils síns. Hann hefur sungið í mörgum af helstu óperuhúsum heims og nægir þar að nefna La Scala í Mílanó, Ríkisóperuna í Vínarborg, Þjóðaróperuhúsin í París, Metropolitan óperuna í New York og San Francisco-óperuna. Þá hefur hann tekið þátt í nokkrum hljóðritunum með erlendum hljómsveitum, m.a. Töfraflautunni og Don Giovanni með hljómsveit Drottningholm-óperunnar, Mattheusarpassíu og Jóhannesarpassíu Bachs með Orchestra of the eighteenth century og Rakaranum í Sevilla með Útvarpshljómsveitinni í München.

Undanfarna mánuði hefur Kristinn sungið í The Ghosts of Versailles eftir John Corigliano, Brúðkaupi Fígarós og Rakaranum í Sevilla í óperunni í Los Angeles.

Á liðnu hausti steig Kristinn á svið Íslensku óperunnar í fyrsta sinn eftir 12 ára hlé og fór eftirminnilega með eitt voldugasta bassahlutverk óperusögunnar, Filippus konung og föður Don Carlo í samnefndri óperu.

Á tónleikunum syngur Kristinn aríur úr nokkrum af uppáhaldsóperum sínum og bregður sér í hlutverk Don Basilio í Rakaranum frá Sevilla eftir Rossini, greifans í Brúðkaupi Fígarós eftir Mozart, Bancos úr Macbeth og Sakaríasar í Nabucco eftir Verdi.

Óperukórinn í Reykjavík verður Kristni til halds og trausts á tónleikunum en stjórnandi er fyrrum aðalhljómsveitarstjóri Sinfóníuhljómsveitar Íslands Rico Saccani sem er annálaður túlkandi óperutónlistar.

EFNISSKRÁ
W.A. Mozart, Gioacchino Rossini og Giuseppe Verdi: Ari´ur, ko´rar og forleikir u´r Bru´ðkaupi Fi´garo´s, Rakaranum i´ Sevilla, Valdi o¨rlaganna, Nabucco og fleiri o´perum

STJÓRNANDI
Rico Saccani

EINSÖNGVARI
Kristinn Sigmundsson

KÓR
Óperukórinn í Reykjavík