Um viðburðinn

Óður til náttúrunnar

Toru Takemitsu                                    And then I knew ‘twas wind

Toshio Hosokawa                                Stunden-Blumen

Kolbeinn Bjarnason                             Nýtt verk - frumflutningur

Toru Takemitsu                                    Rain Spell

Kristín Þóra Haraldsdóttir                    Nýtt verk - frumflutningur

Hanns Eisler                                        14 leiðir til að lýsa regninu, op. 70

Á tónleikunum munu flytjendur leiða tónleikagesti í gegnum náttúruna eins og tónskáld úr bæði austri og vestri upplifa hana. Leiðin liggur um slóðir þar sem vindurinn blæs, blómin vaxa og visna, og það rignir. Verk Hosokawa Stunden-Blumen er innblásið af ást tónskáldsins á náttúrunni og þá sérstaklega blómum. Tónlist Takemitsu er draumkennd og býr yfir einstöku flæði hljóða og þagna. Hanns Eisler skrifaði verk sitt 14 leiðir til að lýsa regninu fyrir kvikmynd Joris Ivens, Regnið. Í þessu heillandi verki má heyra í regninu í hinum ýmsu myndum. Á efnisskránni er einnig frumflutningur nýrra tónverka eftir þau Kolbein Bjarnason og Kristínu Þóru Haraldsdóttur sem eru innblásin af náttúrunni. Flytjendur á tónleikunum ásamt Elektra Ensemble eru Dúó Harpverk og Þórarinn Már Baldursson víóluleikari.