Um viðburðinn

Nokkur ár eru liðin frá því að Pétur fangaði úlfinn sællar minningar. En hvað hefur orðið um greyið úlfinn, er hann dáinn? Hvað hefur gerst síðan við heyrðum af honum?

Töfrahurð í samstarf við Stórsveit Reykjavíkur fagnar útkomu bókar og geisladisks með þessu metnaðarfulla verki fyrir börn á öllum aldri. Haukur Gröndal samdi nýja tónlist við sögu sína og Pamelu De Sensi en sagan gerist nú á Íslandi og fjallar um hvað varð um úlfinn eftir að hann var klófestur í sögu Prokofiev. Tónlistin er frumsamin í stórsveitarstíl og er ætlað að kynna börnum muninn á hljóðfæraheimi jazzins og þeim klassíska. Úlfurinn er fangi í dýragarði og söguhetjur Prokofiev koma sér saman um að frelsa hann úr prísundinni því enginn á skilið að þjást í búri.  Sagan er eilíf og á alltaf erindi við börn sem fullorðna. Gói smellpassar sem sögumaður og gefur útgáfunni aukið aðdráttarafl. 
Myndskreytingar eru eftir Höllu Sólveigu Þorgeirsdóttur. 

Frekari upplýsingar á tofrahurd.is

· 10% afsláttur fyrir eldriborgara, öryrkja og námsmenn. Aðeins afgreitt í miðasölu Hörpu.

· Ef keyptir eru miðar á a.m.k þrenna tónleika í einu fæst 20% afsláttur. Aðeins afgreitt í miðasölu Hörpu.

- Fjölskylduafsláttur 4 miðar 8000 kr. Aðeins afgreitt í miðasölu Hörpu.