Um viðburðinn

Hinn árlegi leðjuslagur lúðrasveita fer fram á Menningarnótt. Þar er barist til síðasta tóns og íþróttamannsleg framkoma er ekki það sem skapar sóknarfæri. Mútur, svik, svindl, frændhygli og prettir eru það sem gildir í þessari keppni. Eftir að upp úr sauð fyrsta árið hefur verið minna um líkamlegt ofbeldi sveita á milli - en rígurinn hefur aukist í samræmi við það. Þetta er sjónarspil sem kraftur er í. Stuðið framar öllu. Lúðrasveit verkalýðsins, Lúðrasveitin Svanurinn og Brassband Reykjavíkur etja kappi að þessu sinni. Lifandi tónlist á hæsta stigi!

Hvar: Á Hörputorgi
Hvenær: 23. ágúst frá 13:30 - 14:30
Fyrir hverja: Allar kynslóðir
Kynningar eru á íslensku
Aðgangur ókeypis

Viðburðurinn er liður í dagskrá Menningarnætur á Hörputorgi sem er í boði Hörpu, Landsbankans og Hafnartorgs.

Hér má kynna sér alla dagskrá Hörpu á Menningarnótt 2025.