Um viðburðinn

Efnisskrá
Antonin Dvórak sinfónía nr. 9, úr nýja heiminum, lokaþáttur
Sigvaldi Kaldalóns Á Sprengisandi

Hljómsveitarstjóri
Ross Jamie Collins

Í tilefni af 75 ára afmæli Sinfóníuhljómsveitar Íslands býður hljómsveitin í opið samspili á stóra sviðinu í Eldborg. Nú hafa rúmlega hundrað hljóðfæraleikarar skráð sig til leiks auk Sinfóníuhljómsveitar Íslands og því stefnir í fjölmennustu sinfóníuhljómsveit sem nokkru sinni hefur leikið í Eldborg. Á efnisskránni verður lokaþáttur 9. Sinfóníu Dvóraks, Úr nýja heiminum og hið sívinsæla lag Á Sprengisandi í útsetningu Páls Pampichlers Pálssonar.

Lokað hefur verið fyrir skráningu í samspilið en gestir eru velkomnir að hlýða á afraksturinn í Eldborg. Aðgangur er ókeypis.

Samspilið stendur í um það bil hálfa klukkustund.