Um viðburðinn

Pípumessa, tónverk Iðunnar Einarsdóttur og Þórðar Hallgrímssonar, er hljóðrænt ferðalag í gegnum efnisheim pípa í öllum sínum fjölbreyttustu myndum. Fyrir bregður ólíkum hljóðfærum allt frá hefðbundnum tré- og málmblásturshljóðfærum yfir í blokkflautur gerðum úr niðurfallsrörum úr plasti, orgelpípur, drykkjarör úr gleri og margt fleira. Áheyrendum er boðið að stíga inn í þennan hljóðheim pípanna sem samsettur er úr svo fjölbreyttum efnis- og efnisáferðaheimi pípanna og taka þátt í þessari fjögurra þátta áhrifaríku en í senn merkingarlausu messu undir leiðsögn höfunda.

Sérstakur flytjandi er Jón Örn Einarsson í hlutverk Hómó Pípíens.

Tónleikarnir eru um klukkustundarlangir, án hlés

Efnisskrá:
Iðunn Einarsdóttir & Þórður Hallgrímsson – Pípumessa (2023)

Flytjendur:
Iðunn Einarsdóttir, höfundur
Jón Örn Einarsson, Hómó Pípíens
Þórður Hallgrímsson, höfundur