Um viðburðinn

Aðgangur er ókeypis á meðan húsrúm leyfir, athugið að ekki þarf að sækja miða. 

Ari Ólafsson tenór kom fyrst fram þegar hann lék Oliver Twist í uppsetningu Þjóðleikhúsinu árið 2009. Árið 2011 söng hann í Eldborg með Sissel Kyrkjebø og einnig fimm árum seinna í Hörpu á jólatónleikum hennar. Árið 2017 varð hann í 1. sæti söngkeppninni Vox Domini og fór síðan til náms til Englands við The Royal Academy of Music. Þaðan mun hann útskrifast í vor.

Ari kom fram á óperukynningum Íslensku óperunnar þegar óperan Évgení Onegin var flutt í Hörpu árið 2016 og söng þar hina þekktu aríu Lenskís „Kuda, kuda“ en árið 2018 varð mjög viðburðaríkt í lífi Ara því þá tók hann þátt í Eurovision í Lisabon fyrir hönd Íslands.

Hrönn Þráinsdóttir píanóleikari hefur komið fram á tónleikum víða sem einleikari, meðleikari og við flutning kammertónlistar auk þess að hafa hljóðritað fyrir útvarp og leikið inn á geisladiska. Hún verið virk í flutningi nýrrar tónlistar m.a. á Myrkum Músíkdögum og með kammersveitinni Ísafold ásamt því að hafa frumflutt fjölda sönglaga. Hún hefur sinnt uppeldisstarfi ungra söngvara, verið tónlistarstjóri hjá óperudeild Söngskólans í Reykjavík og starfað með mörgum helstu söngvurum landsins um árabil.

 

EFNISSKRÁ;

Í fögrum Dal - Jón Thoroddsen

Var det en dröm – Jean Sibelius

Ouvre tes yeux bleu – Julius Massenet

Vmaltjani Noji taj noj – Serge Rachmaninoff

Leitin - Sigvaldi Kaldalóns

Wie Soll ich frölich sein – Hugo Wolf

Njet tolka tot kto znal - Piotr Tchaikovsky

Der Zwerg - Richard Strauss