Um viðburðinn

Katrín Halldóra Sigurðardóttir heiðrar lagahöfundinn Jón Múla Árnason á aldarafmæli hans með tónleikum í Eldborg, Hörpu sunnudaginn 10.apríl. 
Katrín gaf í fyrra út einstaka plötu þar sem lög Jón Múla við texta bróður hans Jónasar Árnasonar voru endurúsett af Hauki Gröndal.

Hljómsveitina skipa:
Snorri Sigurðsson, trompet
Haukur Gröndal, saxafónar og klarínett
Ólafur Jónsson, saxafónar og klarínett
Ásgeir J. Ásgeirsson, gítar
Birgir Steinn Theódórsson, bassi
Erik Qvick, slagverk
Hjörtur Ingvi Jóhansson píanó 

Sérstakur gestur: Páll Óskar Hjálmtýsson

Katrín Halldóra hefur hlotið mikið lof fyrir störf sín í leikhúsi en þar má nefna fjölmargar Grímutilnefningar og hlaut hún Grímuna 2017 sem söngvari ársins fyrir Ellý.

Katrín hefur einnig leikið í hinum ýmsu verkefnum fyrir sjónvarp t.d. Ófærð 2. Hún er einn af stofnendum Improv Iceland spunaleikhópsins og hefur bæði komið fram og kennt á námskeiðum hjá þeim.