Tix.is

Harpa

  • 20. sep. - Kl. 16:00
Miðaverð:3.500 kr.
Um viðburðinn

Barokkbandið Brák mun flytja áheyrendum nokkur af vinsælustu verkunum úr smiðju Bach-fjölskyldunnar. Nokkrir af þekktustu hljóðfærakonsertum Bachs hljóma þar sem hópurinn fær til liðs við sig einn besta óbóleikara heims, Xeniu Löffler. Xenia leikur einleikskonsert fyrir óbó eftir Carl Philipp Emmanuel Bach og mun ásamt Elfu Rún Kristinsdóttur leika hinn ódauðlega konsert fyrir fiðlu og óbó eftir læriföðurinn, Johann Sebastian Bach. Þá munu Laufey Jensdóttir og Elfa Rún leika einleik í hinum þekkta konsert hans fyrir 2 fiðlur og Brák mun leika strengjasinfóníur eftir bræðurna Wilhelm Friedemann og Carl Philipp Emmanuel Bach. Hér verður á ferðinni einstakt tækfæri til að hlýða á nokkur úrvalsverk síðbarokksins, flutt af hljóðfæraleikurum á heimsmælikvarða.

BAROKKBANDIÐ BRÁK er hópur hljóðfæraleikara sem á það sameiginlegt að hafa brennandi áhuga á barokktónlist, hefur sérhæft sig að hluta í þeirri tónlist erlendis og vill koma upprunaflutningi á framfæri á Íslandi. Hópurinn kemur fram í mismunandi hljóðfærasamsetningum, allt eftir efnisvali fyrir hverja tónleika og uppákomur fyrir sig. Þannig heldur hópurinn stundum smærri kammertónleika eða stærri hljómsveitartónleika, en áhersla er einnig lögð á að blanda saman einleiksverkum, kammerverkum og hljómsveitarverkum á einum og sömu tónleikunum.