LEIKHÚSVEISLA
Klassíkin okkar
Vinsæl leikhústónlist frá ýmsum tímum, m.a. eftir Atla Heimi Sveinsson, Hjálmar H. Ragnarsson, Jón Ásgeirsson, Pál Ísólfsson, Edvard Grieg og úr söngleikjunum Vesalingunum og West Side Story.
Sinfóníuhljómsveit Íslands
Hljómsveitarstjóri
Daníel Bjarnason
Söngvarar
Álfheiður Erla Guðmundsdóttir
Elmar Gilbertsson
Emilíana Torrini
Jóhann Sigurðarson
Katrín Halldóra Sigurðardóttir
Kristjana Stefánsdóttir
Lay Low
Salka Sól Eyfeld
og fleiri söngvarar kynntir síðar
Söngsveitin Fílharmónía
Kórstjóri Magnús Ragnarsson
Kynnar
Halla Oddný Magnúsdóttir
Guðni Tómasson
Undanfarin fimm ár hafa Sinfóníuhljómsveit Íslands og RÚV
efnt til glæsilegra tónleika undir yfirskriftinni „Klassíkin okkar“ sem hafa
hlotið gífurlega athygli og vinsældir.
Þann 3. september næstkomandi verða sjöttu tónleikarnir af þessum toga haldnir í Hörpu og að þessu sinni verður athyglinni beint að leikhústónlist, úr innlendum jafnt sem erlendum verkum frá ýmsum tímum.
Meðal þeirra gimsteina sem hljóma á tónleikunum má nefna Afmælisdiktur („Í Skólavörðuholtið hátt“) eftir Atla Heimi Sveinsson, Söng Sólveigar eftir Hjálmar H. Ragnarsson, Maístjörnuna eftir Jón Ásgeirsson, og lög úr vinsælum söngleikum eins og Vesalingunum og West Side Story.
Vorið 2021 gafst Íslendingum færi á að kjósa sitt uppáhalds íslenska leikhúslag á ruv.is og verður tilkynnt um úrslitin á tónleikunum sem eru sýndir í beinni útsendingu á RÚV.
Tónleikarnir eru samstarfsverkefni Sinfóníuhljómsveitar Íslands, Þjóðleikhússins og RÚV.
Framúrskarandi söngvarar, leikarar og kórar koma fram í þessari einstöku dagskrá þar sem töfrar leikhússins verða í algleymingi.