Föstudagsröðin

Óvenjulegir og áhugaverðir tónleikar á föstudegi — láttu koma þér skemmtilega á óvart

Veldu fjölda áskrifta

Föstudagskort

Liza Ferschtman leikur Bach - Föstudagsröð Sinfóníuhljómsveitar Íslands

Sinfóníuhjómsveit Íslands - Norðurljós || 14. nóvember 2025

Harpa - Norðurljós
Liza Ferschtman leikur Bach - Föstudagsröð Sinfóníuhljómsveitar Íslands

Áskrift - Föstudagsröðin 2025/26:

14. nóv. 2025 - fös. kl. 18:00
Efnisskrá
Johann Sebastian Bach Sónata nr. 2 í a-moll BWV 1003
Johann Sebastian Bach Partita nr. 2 í d-moll BWV 1004

Einleikari
Liza Ferschtman

Hollenski fiðluleikarinn Liza Ferschtman er þekkt fyrir ástríðufullan flutning og góða tengingu við áheyrendur. Hún hefur hlotið mikla athygli og viðurkenningu fyrir einstaka túlkun sína á einleikssónötum Johanns Sebastians Bach og hér tekst hún á við tvö þessara lykilverka barokktímans. Sónötur og partítur meistarans fyrir einleiksfiðlu eru sex talsins og þykja meðal hápunkta fiðlubókmennta í vestrænni tónlistarsögu. Þær voru að öllum líkindum samdar nálægt 1720, þegar Bach var í þjónustu prinsins af Anhalt-Köthen. Þessi ár einkenndust af miklum afköstum Bachs á sviði hljóðfæratónlistar en þá fæddust t.d. svíturnar sex fyrir einleiksselló, fjórar hljómsveitarsvítur og Brandenburgarkonsertarnir sex.

Í verkunum birtist fiðlan okkur sem fjölradda hljóðfæri og hinn þéttofni vefur Bachs gerir oft gríðarlegar kröfur til hljóðfæraleikarans. Lokaþáttur partítunnar sem hér hljómar, Sjakonna, er af mörgum álitin ein mikilfenglegasta tónsmíð sögunnar. Þýska tónskáldið Johannes Brahms skrifaði m.a. um verkið í bréfi til Clöru Schumann: „Á einn nótnastreng, fyrir lítið hljóðfæri ritar maðurinn [Bach] heila veröld af hinum dýpstu hugsunum og sterkustu tilfinningum.“ Liza Ferschtman leikur Fiðlukonsert nr. 1eftir Shostakovitsj með Sinfóníuhljómsveit Íslands daginn fyrir einleikstónleika hennar.
14. nóv. 2025 - fös. kl. 18:00
Caroline Shaw – Portrett - Föstudagsröð Sinfóníuhljómsveitar Íslands

Sinfóníuhjómsveit Íslands - Eldborg || 27. febrúar 2026

Harpa - Eldborg
Caroline Shaw – Portrett - Föstudagsröð Sinfóníuhljómsveitar Íslands

Áskrift - Föstudagsröðin 2025/26:

27. feb. 2026 - fös. kl. 18:00
Sinfóníuhljómsveit Íslands

Hljómsveitarstjóri: Daníel Bjarnason
Einleikari: Caroline Shaw

Kór
Kammerkórinn Aurora
Efnisskrá
Caroline Shaw:
Entr’acte
In Manus Tuas
Its Motion Keeps
Lo
Fiðlukonsert

Bandaríska tónskáldið, fiðluleikarinn og söngkonan Caroline Shaw er ein mest spennandi röddin í samtímatónlist í dag. Tónlist Shaw og aðferðir hafa vakið mikla athygli, víða um lönd og langt út fyrir heim sígildrar tónlistar, fyrir hugmyndaauðgi og tilraunamennsku sem kallar á túlkun og virka aðkomu hlustenda. Shaw, sem upphaflega er menntaður fiðluleikari, snéri sér eftir fiðlunámið að tónsmíðum með góðum árangri. Hún er margverðlaunuð á Grammy-verðlaununum en skaust upp á stjörnuhimininn árið 2013, þegar hún hlaut Pulitzer-verðlaunin sem tónskáld fyrir partítu sína fyrir átta raddir. Shaw var þá yngst allra þeirra sem höfðu hlotið þau virtu verðlaun fyrir tónsmíðar. Verk Caroline Shaw gera oft miklar kröfur til flytjenda en bera líka með sér einhvern ríkan tíðaranda. Hluti þeirra höfundareinkenna er rík meðvitund um arf tónlistarsögunnar sem vefur sér leið inn í tónmálið á úthugsaðan máta.
Á þessum óvenjulegu tónleikum Sinfóníuhljómsveitar Íslands með Caroline Shaw í forgrunni kynnumst við fjórum mjög svo ólíkum verkum hennar. Á tónleikunum verður hefðbundið tónleikaform brotið upp og mun hljómsveitin vera í hringuppstillingu á sviði. Áhorfendur sitja umhverfis hljómsveitina á kórvögnum, til hliðar við svið og í fremstu röðum í salnum. Með þessu móti gefst áhorfendum tækifæri til að upplifa hljóm og flutning hljómsveitarinnar á einstakan hátt.
Tónleikanir eru um klukkustundarlangir og án hlés.
27. feb. 2026 - fös. kl. 18:00
Elgar & Eldfuglinn - Föstudagsröð Sinfóníuhljómsveitar Íslands

Sinfóníuhjómsveit Íslands - Eldborg|| 13. mars 2026

Harpa - Eldborg
Elgar & Eldfuglinn - Föstudagsröð Sinfóníuhljómsveitar Íslands

Áskrift - Föstudagsröðin 2025/26:

13. mar. 2026 - fös. kl. 18:00
Sinfóníuhljómsveit Íslands

Hljómsveitarstjóri: Eva Ollikainen
Einleikari: Kian Soltani
Efnisskrá
Edward Elgar Sellókonsert
Ígor Stravinskíj Svíta úr Eldfuglinum
Á þessum tónleikum er boðið upp á tónlist sem Sinfóníuhljómsveit Íslands verður með í farangrinum á tónleikaferð til Evrópu. Sellókonsert Edwards Elgar er eitt dáðasta einleiksverk tónlistarsögunnar og hér njóta sín til fullnustu einstök tök einleikarans, Kians Soltani, á hljóðfærinu. Þessi tilfinningaþrungna tónlist kviknaði upp úr hildarleik fyrri heimsstyrjaldar og þeirri angist sem átökin sköpuðu, jafnt í samskiptum þjóða og í hugarheimi næmra listamanna á borð við Elgar sjálfan.

Eldfuglinn verður einnig með í ferðalaginu, hljómsveitarsvítan litríka sem Ígor Stravinskíj vann upp úr byltingarkenndum balletti sínum sem frumfluttur var árið 1910. Fuglinn sá sprettur úr rússneskri þjóðsagnahefð, tónlistin er litrík og þar eru allir möguleikar sinfóníuhljómsveitar nýttir til hins ýtrasta. Í verkinu takast á góð og ill öfl en sem betur fer gengur allt fallega upp að lokum.
13. mar. 2026 - fös. kl. 18:00
Magnús Jóhann – Portrett - Föstudagsröð Sinfóníuhljómsveitar Íslands

Sinfóníuhjómsveit Íslands - Norðurljós || 22. maí 2026

Harpa - Norðurljós
Magnús Jóhann – Portrett - Föstudagsröð Sinfóníuhljómsveitar Íslands

Áskrift - Föstudagsröðin 2025/26:

22. maí 2026 - fös. kl. 18:00
Sinfóníuhljómsveit Íslands

Hljómsveitarstjóri: Ross Jamie Collins
Þrátt fyrir ungan aldur hefur Magnús Jóhann Ragnarsson skapað sér viðurkenningu sem óvenju fjölhæfur tónlistarmaður á flestum sviðum tónlistar; sem tónskáld, hljómborðsleikari og upptökustjóri. Hann hefur fengist við fjölbreyttar stefnur og stíltegundir í tónlist, allt frá innhverfum djassi, sígildum dægurlögum, ómstríðri strengjatónlist til framsækinnar raftónlistar. Hann hefur nú gefið út níu hljóðrit, sína eigin tónlist og í samstarfi við söngkonuna GDRN og djassleikarana Skúla Sverrisson og Óskar Guðjónsson. Magnús Jóhann var valinn tónlistarflytjandi ársins í opnum flokki á Íslensku tónlistarverðlaununum 2023 og 2025. Á þessum tónleikum Sinfóníuhljómsveitar Íslands flytur Magnús Jóhann eigin tónlist í fjölbreyttum hljómsveitarútsetningum. Magnús leikur ekki eingöngu á píanó og hljómborð heldur hefur hann að undanförnu þjálfað sig í leik á hið dulmagnaða hljóðfæri Ondes Martenot sem fær einnig að njóta sín á þessum tónleikum.

Tónleikarnir eru um klukkustundarlangir, án hlés.
22. maí 2026 - fös. kl. 18:00