Tix.is

  • 26. jan. - Kl. 16:00
Miðaverð:10.000 kr.
Um viðburðinn

Hátíðarpassi gildir á alla viðburði á Myrkum músíkdögum dagana 26. Janúar til 2. febrúar 2019.

 

Vinsamlegast athugið að sækja þarf miða í miðasölu Hörpu á tónleika Sinfóníuhljómsveitar Íslands: Sinfónían á Myrkum Músíkdögum, sem verða í Eldborg fimmtudaginn 31. janúar kl. 19:30.

 

Hátíðarpassar verða afhentir í Bismút, Hverfisgötu 82, frá föstudeginum 25. janúar og á meðan hátíð stendur milli kl. 12-17. Passar eru afhentir gegn framvísun kvittunar fyrir miðakaupum eða e-miða.

 

Myrkir Músíkdagar er tónlistarhátíð sem býður upp á metnaðarfulla dagskrá sem samanstendur af fjölda spennandi tónleika með samtímatónlist á dimmasta tíma ársins.

Á Myrkum músíkdögum í ár verður upp á einstaklega fjölbreytta dagskrá sem inniheldur einleikstónleika, kammertónleika, raftónleika og innsetningar. Má þar nefna tónleika Sinfóníuhljómsveitar Íslands með Hallfríði Ólafsdóttur, Mario Caroli og Martin Kuuskman í einleikarahlutverki, dúó-tónleika Elísabetar Waage og Laufeyjar Sigurðardóttir og tónleika Schola Cantorum en auk þess verður boðið uppá veglega barnadagskrá. Af erlendum tónlistarmönnum Myrka músíkdaga 2019 má nefna Riot Ensemble, Neko 3 og Niels Lyhne Løkkegaard. Þá eru ótaldir árlegir tónleikar Caput, Kammersveitar Reykjavíkur og Nordic Affect.

Nánari upplýsingar má finna á www.myrkir.is