Tix.is

  • 20. sep. - Kl. 20:00
Miðaverð:4.400 - 4.900 kr.
Um viðburðinn

Helena Eyjólfsdóttir, Friðrik Ómar Hjörleifsson, Karl Olgeirsson, Stefán Már Magnússon, Jón Rafnsson, Matthías Stefánsson, Hlín Erlendsdóttir, Laufey Pétursdóttir og Örnólfur Kristjánsson.

Helena Eyjólfsdóttir með strengjum

Helena Eyjólfsdóttir sýnir á sér aðra hlið en flestir hafa heyrt og séð í gegn um árin á þessum fyrstu Tíbrártónleikum vetrarins. Hún söng jú í mörg ár með vinsælustu danshljómsveitum landsins; Atlantik kvartettinum, Hljómsveit Ingimars Eydal og Hljómsveit Finns Eydal. Dagskrá kvöldsins mun samanstanda af mörgum af hennar uppáhaldslögum frá rúmlega 60 ára söngferli, bæði úr dægurlaga- og jazzdeildinni og verður yfirbragð tónleikanna bæði rólegt og rómantískt og fullt af skemmtilegum sögum og minningum. Helena Eyjólfsdóttir gaf haustið 2016 út sína fyrstu og einu sólóplötu sem einfaldlega nefndist Helena og hlaut platan góðar viðtökur og lof hlustenda og gagnrýnenda. Lagið Reykur vermdi toppstætin á vinsældarlista Rásar 2 í átta vikur.

Sérstakur gestur á tónleikunum verður Friðrik Ómar Hjörleifsson og þeim til fulltingis verður jazztríó og strengjakvartett sem með sínum órafmagnaða hljómi mun fullkomna stemmninguna.

Efnisskrá:
Helena mun eins og áður sagði, flytja sín uppáhaldslög í glænýjum útsetningum Karls Olgeirssonar og má þar m.a. nefna sígild lög sem fylgt hafa henni í gegn um árin; Í rökkurró, Gettu hver hún er og Bel ami sem og lög af nýju plötunni; Glitra gullin ský, Rós, Lúka af mold og Reykur svo einhver séu nefnd.

Helena hefur allan sinn feril sungið jazz og mun hún að sjálfsögðu flytja nokkur af sínum uppáhalds jazzlögum. Einstakt tækifæri til að sjá og heyra eina af okkar ástsælustu söngkonum.

Flytjendur:
Helena Eyjólfsdóttir, söngur
Friðrik Ómar Hjörleifsson, söngur

Karl Olgeirsson, píanó, orgel, harmonikka, hljómsveitarstjórn og útsetningar
Stefán Már Magnússon,gítar og slagverk
Jón Rafnsson ,bassi

Strengjakvartett:
Matthías Stefánsson, fiðla
Hlín Erlendsdóttir, fiðla
Laufey Pétursdóttir, víóla
Örnólfur Kristjánsson, selló