ÉG BÝÐ MIG FRAM er örverkaleiksýning þar sem leikstjórinn Unnur Elísabet býður listamönnum úr ólíkum áttum til samstarfs. Útkoman er óvenjuleg leikhúsupplifun, suðupottur nýrra hugmynda, eins konar smáréttaveisla fyrir áhorfendur.
Leikstjóri: Unnur Elísabet Gunnarsdóttir
Aðstoðarleikstjóri: Ellen Margrét Bæhrenz
Tónskáld: Annalísa Hermannsdóttir
Leikmynda- og búningahöfundur: Sara Hjördís Blöndal
Ljósahönnuðir: Hafliði Emil Barðason og Juliette Louste
Flytjendur:
Anais Barthe, dansari
Annalísa Hermannsdóttir, sviðshöfundur og tónskáld
Berglind Halla Elíasdóttir, leikkona
Bryndís Ósk Þ. Ingvarsdóttir, sviðshöfundur
Ellen Margrét Bæhrenz, leikkona og dansari
Friðrik Margrétar- Guðmundsson, tónlistarmaður
Júlíanna Ósk Hafberg, myndlistarkona
Thomas Burke, sirkuslistamaður
Tinna Þorvalds Önnudóttir, óperusöngkona og leikkona
Unnur Elísabet Gunnarsdóttir, leikstjóri, leikkona og dansari
Þetta er í fjórða sinn sem hátíðin er sett upp og að þessu sinni er útgangspunktur sýningarinnar Nýr heimur. Unnur Elísabet býður nú átta ólíkum listamönnum í dúett og tvinnar þannig saman ólík listform, leiklist, hreyfingu, myndlist og tónlist. Sýningin fjallar um ólíka heima og heimsenda, á persónulegum eða hnattrænum skala. Seríur 1 og 3 hlutu tilnefningar til Grímunnar og sería 2 var valin sýning ársins á Reykjavík Fringe Festival.