Um viðburðinn

Systur á ferð um landið
 
Hljómsveitin Systur efna til tónleikaraðar um Ísland dagana 17. – 27. ágúst nk. Sigga, Beta og Elín hafa unnið að lagasmíðum í sumar og senda frá sér sína fyrstu smáskífu, Dusty Road í ágústlok. Í leiðinni munu Systur kynna frumsamið efni sem kemur út á væntanlegri plötu á næsta ári.
 
Systur komu sáu og sigruðu í Söngvakeppni sjónvarpsins fyrr á þessu ári þegar Lay Low bað þær um að flytja lagið sitt, Með hækkandi sól. Í framhaldinu ákváðu þær að vinna saman að plötu í þeirri tónlistarstefnu. Fólk má því búast við þjóðlagaskotnu efni frá þeim með tengingum við bandaríska sveitatónlist sem hefur haft áhrif á lagasmíðar þeirra í gegnum árin.
 
Systur spila á eftirfarandi stöðum.  
 
17.08. Hvolsvöllur, Midgard Base Camp
20.08. Reykjavík, Menningarnótt. Hljómskálagarður (frítt).

24.08. Akureyri, Græni hatturinn - Miðar á graenihatturinn.is
25.08. Húsavík, Gamli baukur
26.08. Siglufjörður, Kaffi rauðka
27.08. Hafnarfjörður, Bæjarbíó - Miðar hér