Tix.is

  • Frá 18. júní
  • Til 06. ágúst
  • 20 dagsetningar
Miðaverð:0 - 3.500 kr.
Um viðburðinn

Nýsirkussýning undir berum himni
- fyrir fólk á öllum aldri

UM SÝNINGUNA
Allra veðra von er nýsirkussýning Hringleiks þar sem sirkuslistin er notuð til að skoða tengsl mannsins við veðrið.

Sýningin er myndræn og hrífandi fyrir áhorfendur á breiðum aldri óháð tungumáli. Akróbatík, áhætta, grín og glens, ljóðrænar myndir og loftfimleikar flétta saman sögur af mönnum og veðri.

Frá upphafi hefur veðrið verið stærsti örlagavaldur lífs á norðlægum slóðum. Gjörvöll menning Íslendinga er sannarlega lituð af áhrifum þessa fyrsta og síðasta umræðuefnis landans og þegar litið er til framtíðar er ekki hjá því komist að horfast í augu við veðrið og tengsl okkar við það.

Hringleikur frumsýndi Allra veðra von í Tjarnarbíói í vor og sýnir verkið utandyra víðsvegar um landið í allt sumarið.

Miðaverð er 3.500 kr.
Ókeypis aðgangur er fyrir börn 5 ára og yngri
Veittur er fjölskylduafsláttur þegar keyptir eru 4 miðar eða fleiri á fullu verði


MIKILVÆGAR UPPLÝSINGAR

• Til að njóta sýningarinnar er mikilvægt að vera klæddur eftir veðri

• Gott er að taka með setu eða teppi og annað sem getur stuðlað að notalegri upplifun

• Við mælum með að mæta um 20 mínútum áður en sýning hefst

• Nákvæmir sýningarstaðir verða tilkynntir þegar nær dregur

• Ef breytingar verða vegna óviðráðanlegra aðstæðna verða upplýsingar sendar í tölvupósti til þeirra sem keypt hafa miða

• Við hvetjum áhugasama til að skrá sig á póstlista Hringleiks og fylgjast með sirkusferðalaginu á instagram.com/hringleikur og facebook.com/hringleikur


Höfundar og leikhópur: Eyrún Ævarsdóttir, Jóakim Meyvant Kvaran, Thomas Burke, Bryndís Torfadóttir, Nick Candy
Leikstjórn og handrit: Agnes Wild
Búninga- og sviðsmyndahöfundur: Eva Björg Harðardóttir
Tónlist: Sigrún Harðardóttir
Aðstoð við sviðshreyfingar: Juliette Louste
Framleiðsla: Karna Sigurðardóttir og Eyrún Ævarsdóttir

Allra veðra von er unnið af sirkuslistafélaginu Hringleik í samstarfi við Miðnætti leikhús.


NÁMSKEIÐ
Hringleikur býður upp á sirkusnámskeið í tengslum við sýninguna í Grindavík, Reykjanesbæ, Hólmavík, Rifi, Dalvík, Akureyri, Egilsstöðum og í Neskaupstað í samstarfi við sveitarfélögin á hverjum stað. Upplýsingar og skráning á námskeið fer fram á tix.

Skráning og upplýsingar um námskeið á tix.is.

Hringleikur og Allra veðra von ferðast um landið með stuðningi eftirfarandi aðila:
Sóknaráætlun Austurlands
Sóknaráætlun Suðurnesja
Sóknaráætlun Norðurlands eystra
Sóknaráætlun Vesturlands
Sterkar strandir
Menningarstofa Fjarðabyggðar
Menningarmiðstöð Fljótsdalshéraðs
Akureyrarstofa
Menningarhúsið Berg
Grindavíkurbær
Reykjanesbær
Vesturbyggð
Snæfellsbær
Akraneskaupstaður
Stykkishólmsbær
Hornafjörður
Norðurþing
Austurbrú
Ferðafélag Fljótsdalshéraðs

Verkið er framleitt með styrk frá Leiklistarráði, Starfslaunasjóði listamanna, Uppbyggingasjóði Austurlands og Reykjavíkurborg í samstarfi við Tjarnarbíó og Sköpunarmiðstöðina á Stöðvarfirði.