Um viðburðinn

- ÖRFÁIR MIÐAR EFTIR!

- DAGSKRÁ KVÖLDSINS:
18:00 – Sætaferðir hefjast frá Smáralind
18:30 – Húsið opnar
20:00 – Tónleikar hefjast
22:30 – Áætluð lok*
*Dagskrá er birt með fyrirvara og getur riðlast. 20 mínútna hlé er á tónleikunum.

- ALLT UM AÐGENGI HÉR
- BÍLASTÆÐI VIÐ KÓR TIL SÖLU HÉR  
- SPURT OG SVARAÐ HÉR 

TENÓR: ANDREA BOCELLI
STJÓRNANDI: MARCELLO ROTA
SÓPRAN: MARIA ALEIDA RODRIGUEZ
SÉRSTAKUR GESTUR: JÓHANNA GUÐRÚN
FIÐLA: ANASTASIYA PETRYSHAK
HLJÓMSVEIT: SINFONIANORD
KÓR: SÖNGSVEITIN FÍLHARMÓNÍA
DANS STJÓRNANDI: STELLA RÓSENKRANZ
DANSARAR / DANSHÖFUNDAR: HELGA KRISTÍN INGÓLFSDÓTTIR, SIGURÐUR MÁR ATLASON

Ítalski söngvarinn og einn ástsælasti tenór heims, Andrea Bocelli, heldur sögulega risatónleika í Kórnum laugardaginn 21. maí 2022. Bocelli er þekktur fyrir að vera með eina fallegustu rödd heims og hefur selt yfir 90 milljón plötur á heimsvísu. Hann átti þátt í því að færa sígilda tónlist í samtímann þar sem lögin hans hafa náð fyrsta sæti á öllum helstu topplistum heims. Celine Dion telur að ef guð hefði söngrödd, þá myndi hún hljóma eins og röddin hans Bocelli.  

Kórnum í Kópavogi verður í fyrsta sinn umbreytt í sitjandi sal og ásamt Bocelli kemur fram 70 manna sinfónuhljómsveit SinfoniaNord, kór frá Söngsveitinni Fílharmóníu og sérstakir gestir. Hér er um að ræða stærstu sitjandi tónleika fyrr og síðar á Íslandi, en samanborið við tónleika hans erlendis er um talsvert meiri nánd að ræða en víðast hvar annars staðar.

Tónleikarnir verða í tveim hlutum; fyrri hluti er sígildari og þar tekur hann þekktustu óperuaríurnar, en í seinni hluta tekur hann alla sína vinsælustu slagara.

Verðsvæðin sex eru eftirfarandi:
Platínum:           35.990 kr.   (fjólublátt á mynd)
Gull:                   29.990 kr.   (appelsínugult á mynd)
Verðsvæði 1:     24.990 kr.   (rautt á mynd)
Verðsvæði 2:     19.990 kr.   (blátt á mynd)
Verðsvæði 3:     18.990 kr.   (grænt á mynd)
Verðsvæði 4:     12.990 kr.   (gult á mynd)

Andrea Bocelli sjóðurinn er stoltur af því að starfa með PLUS1 og renna 100 kr. af hverjum seldum miða í að styrkja og efla fólk og samfélög sem stríða við fátækt, ólæsi og þjáningar sökum sjúkdóma og samfélagslegrar útilokunar.
Nánar: www.plus1.org / www.andreabocellifoundation.org

Bocelli fæddist 1958 á bóndabæ foreldra sinna í smábænum Lajatico, innan um vínekrurnar í Pisa héraði á Ítalíu. Hann sýndi tónlist mikinn áhuga frá unga aldri, byrjaði að spila á píanó sex ára og svo seinna á flautu, saxafón og fleiri hljóðfæri. Að lokum fann hann röddina sína, sitt besta hljóðfæri. Hann hélt áfram að syngja meðfram námi í  Pisa og kláraði gráðu í lögfræði.  

Árið 1994 kom Bocelli fyrst fram í óperu en þá var það Macbeth eftir Verdi og áður en árinu lauk var honum boðið að syngja fyrir páfann. Árið 1996 gaf hann út lagið Con te Partirò (og seinna meir kom lagið út í annari útgáfu ásamt Söruh Brightman undir nafninu Time to Say Goodbye) og mátti heyra lagið mikið spilað í öllum heimshornum. Hann gaf næst út plötuna Romanza sem sló öll met. Ferillinn  fór á flug og hefur verið sleitulaus sigurganga síðan þá. 

Ferill Andrea Bocelli spannar nú einn fjórða úr öld og ber hæst 6 Grammy tilnefningar, 6 tilnefningar til Latin Grammy verðlauna, Golden Globe verðlaun og Óskarsverðlaunatilnefningu, milljónir platna seldar, heimstúrar og stjarna á Hollywood Walk of Fame. Hann hefur alltaf reynt að breiða út boðskap jákvæðni, vonar og þrautseigju. Tónlist hans hefur snert huga og hjörtu fólks djúpt um allan heim og með baráttu sinni í góðgerðarmálum, hefur hann verið röddin sem gefur heiminum rödd.