Um viðburðinn

Upplýsingar til tónleikagesta
Samkvæmt núgildandi reglugerð um sóttvarnir verða allir gestir að sýna neikvæða niðurstöðu úr hraðprófi við komu á viðburði, og á það því við um þessa tónleika, ásamt grímuskyldu. Eldborg verður skipt upp í þrjú 500 manna sóttvarnarhólf
Hraðpróf gildir í 48 klst og eru gjaldfrjáls.

Á höfuðborgarsvæðinu er hægt að fara í hraðpróf á eftirfarandi stöðum: Mikilvægt er að skrá sig í próf áður en mætt er

• Heilsugæsla höfuðborgarsvæðisins býður upp á hraðpróf á Suðurlandsbraut 34; www.hradprof.covid.is
• Covidtest; býður upp á hraðpróf bæði á Kleppsmýrarvegi 8 og í Hörpu. Aðstaðan í Hörpu er í kjallara hússins, beint á móti inngangi frá bílastæðakjallara. www.covidtest.is athugið að hraðprófsstöð í Hörpu lokar kl. 18
• Öryggismiðstöðin býður upp á hraðpróf við Kringluna og BSÍ; www.testcovid.is
Utan höfuðborgarsvæðis www.hradprof.covid.is

Víkingur Heiðar fagnar útgáfu fjórðu einleiksplötu sinnar hjá Deutsche Grammophon, Mozart & Contemporaries, með þremur tónleikum í Eldborg.

Við kynnumst nýjum hliðum á óskabarni tónlistarsögunnar og hlýðum einnig á vel valin verk samtímamanna hans í einstakri efnisskrá sem beðið er með eftirvæntingu víða um heim. Líkt og á fyrri útgáfutónleikum miðlar píanóleikarinn hugmyndum sínum með vel völdum orðum á milli verka og opnar þannig sýn inn í hugmyndaheim tónskáldanna.