Um viðburðinn

„Við erum öll einbýlishús, jólaskrautið uppi og öll ljós kveikt, ein upp á hól og enginn veit hvað er að gerast inni.“ Húsmóðir úr Hlíðunum, arkítekt úr Vesturbænum, unglingur úr Breiðholti og iðnaðarmaður úr Grafarvogi – Fjórir Reykvíkingar eru læstir inni í fundarherbergi í Borgartúninu af öryggisástæðum. Þau deila um skipulagsmál, Dominos og hverjum er raunverulega hægt að kenna um allt sem er að. Ef byggðin er of þétt, þá heyrum við tómahljóðið í hjörtum nágranna okkar og þá er erfiðara að sofna á kvöldin. Þar liggur vandinn.

Þétting hryggðar er ferskt og meinfyndið verk eftir uppistandarann, rithöfundinn, víninnflytjandann og áhugaboxarann Halldór Laxness Halldórsson – Dóra DNA.

Leikarar: Sveinn Ólafur Gunnarsson, Vala Kristín Eiríksdóttir, Rakel Ýr Stefánsdóttir og Jörundur Ragnarsson

Höfundur: Halldór Laxness Halldórsson
Leikstjórn: Una Þorleifsdóttir
Leikmynd og búningar: Eva Signý Berger
Lýsing: Kjartan Þórisson
Sviðshöfundur: Jóhann Kristófer Stefánsson
Leikgervi: Guðbjörg Ívarsdóttir