Loading…

Áskrift að leikárinu 2023 - 2024 í Tjarnarbíói - Leikhúsinu við Tjörnina

Með Ungkortinu geta 25 ára og yngri gerst áskrifendur að öllum þeim frábæru sýningum sem Tjarnarbíó hefur að bjóða þennan leikveturinn á enn lægra verði. Þannig tryggir þú þér miða áður en sýningar fara í almenna sölu og getur valið þér bestu sætin í húsinu. Ekki nóg með það, heldur færðu 50% afslátt af miðaverði hverrar sýningar. Þú velur að lágmarki þrjár sýningar en það eru engin efri mörk og hægt er að kaupa allt að 2 miða á hverja sýningu. Þetta er tilvalið tækifæri að tryggja sér miða á allt það glæsilegasta sem Tjarnarbíó hefur upp á að bjóða. Miðana færðu svo senda í tölvupósti. Einfaldara gæti það ekki verið.

En bíðið, því það er meira! Handhafar Ungkortsins geta komið við í Tjarnarbíói eða haft samband á viðkomandi sýningardegi og kaupt svokallaða samdægursmiða á sýningar leikársins á aðeins 1.000kr/stk. Er einhver sýning sem þú vilt sjá aftur? Er einhver sýning sem virkar áhugaverð núna en rataði ekki á kortið? Ertu til í að taka áhættuna að það verði ekki uppselt á sýningardeginum? Kíktu þá í Tjarnarbíó og kauptu samdægursmiða fyrir minna en lítinn bjór.

ATH - Starfsfólk miðasölu mun biðja handhafa Ungkorta að framvísa skilríkjum til sönnunar þess að viðkomandi sé 25 ára eða yngri.

Upplýsingar um hverja sýningu má finna með því að smella á viðkomandi mynd.

Veldu fjölda korta

Ungkortið

Veldu staðsetningu

...og hvað með það? - Lab Loki

Tjarnarbíó || Frumsýnt 8. september

Tjarnarbíó
...og hvað með það? - Lab Loki

Áskriftarkort - Ungkortið:

10. okt. 2024 - fim. 20:30
“…..og hvað með það?” er samsköpunarverkefni, samið af Rúnari Guðbrandssyni, Árna Pétri Guðjónssyni og Sigurði Edgar Andersen.

Rúnar leikstýrir, - Árni Pétur og Sigurður Edgar flytja verkið.

Arnar Ingvarsson sér um ljós og hljóð.

Sýningin er ekki við hæfi barna og viðkvæmum er bent á að í sýningunni eru nokkuð ofbeldisfull og djörf atriði í bland við mikinn gáska og gleði.

Sýning Lab Loka …..og hvað með það? fékk frábærar viðtökur í Kópavogi í vor og því er boðið uppá tvær sýningar í Tjarnarbíói nú í haust, 8. og 19. September. Aðeins þessar tvær sýningar.

“……og hvað með það?” er áhrifamikið og ögrandi verk úr smiðju Lab Loka. Þar sem ljósi er varpað á hinseginleikann úr ýmsum áttum. Ást og ástleysi. Mörk og markaleysi. Valdbeiting og undirgefni. Gleði og sorg. Grimmd og grín. Glimmer og dans, - dans, dans, dans.

Þetta er djarft, áleitið og ögrandi verk sem kannar og bregður ljósi á ýmis tabú og brýtur bannhelgi. Ferðalag um völundarhús mannlegrar reynslu, - rússíbanareið um rökleysu lífsins og tímans. Harmur og gleði. Húllumhæ, horror og dans. Búrleska, gróteska, kabarett og kjöt.

„Tveir menn eiga stefnumót á óræðum stað.

Allt getur gerst .....og ýmislegt gerist.

Gyllt skordýr og forarengill, - lindargull og eldfluga.

Kabarett og ljóshafið, yndi næturinnar.

Ástarsaga aldanna, torfærur og dans.

Mörk og markaleysi.

Siðferðileg mörk, líkamleg mörk og handboltamörk

......og hvað með það.“

Í sýningunni eru örstutt brot úr leikritunum:

Englar í Ameríku eftir Tony Kushner

Ástarsaga 3 eftir Kristínu Ómarsdóttir

Bent eftir Martin Sherman og ljóð eftir Einar Má Guðmundsson.

Annar texti er frumsaminn eða spunninn á staðnum.

Brot úr opinberri gagnrýni

Trausti Ólafsson, Víðsjá:

„....og hvað með það? er vandlega unnin og samin sýning úr smiðju reyndra leikhúsmanna.“

„Sigurður Edgar er dásamlega fimur sem dansari og sviðsframkoma hans afar sterk.“

„Áveðin fegurð getur falist í nektinni, líka hjá fólki sem komið er af léttasta skeiði.“

„Verkið er oft ögrandi og jafnvel ofbeldisfullt. Byrjunin er bókstaflega grótesk og gróf, en .....og hvað með það? er er líka gætt ákveðinni fegurð sem nýtur sín betur og betur eftir því sem á sýninguna líður.“

Sigríður Jónsdóttir, Heimildin:

„Leikstjórinn Rúnar Guðbrandsson er við stjórn, eða reyndar óstjórn. Hann gefur leikurunum lausan taum, finnur sögum þeirra farveg og amast ekki yfir því þegar eitthvað fer úrskeiðis. Allt er í boði, allt er í lagi, allt er til umræðu.“

„Árni Pétur Guðjónsson er leynivopn í íslensku leikhúsi. Hann er umbúðalaus, hugrakkur og lætur allt flakka. Frelsið hreinlega geislar af honum sem og hispursleysið. Hann daðrar, grínast, dansar og á einhverjum tímapunkti geltir, í algjörlega óborganlegu atriði.“

„Eins og pistillinn ber með sér er „… og hvað með það?“ upplifun frekar en leiksýning sem hefur upphaf, miðju og endi. Fortíð, samtíð og framtíð grautast saman í vellingi þar sem hinseginleikinn er aðal bragðbætirinn.“

Silja Aðalsteinsdóttir, TMM:

„Áhugafólk um búrleska list ætti ekki að láta þessa sýningu fara framhjá sér.“

Þorgeir Tryggvason, Morgunblaðið:

„Þeir Árni Pétur og Sigurður Edgar eru ákaflega berskjaldaðir á auðu sviðinu í mikilli nánd við áhorfendur.......og ná sterkum tökum á áhorfendum.“

„Gleðin er ekki ein við völd hér. Brostnar vonir eru veigamikið þema.“

„En samt. Fegurðar- ástar- og nándardraumurinn lifir flest af. Það er nestið sem við förum með út úr leikhúsinu.“

Um Lab Loka:

Lab Loki hefur haldið úti öflugri og samfelldri starfssemi í 32 ár við góðan orðstýr og er sennilega elsti sjálfstæði leikhópurinn hér á landi nú um stundir. Hópurinn hefur sýnt vel á þriðja tug sviðlistaverka hérlendis og erlendis og hlotið fjölda verðlauna og viðurkenninga.

Lab Loki hefur alla tíð lagt mikla áherslu á þjálfun leikara, rannsóknir og tilraunir með aðferðir og form. Nánast allar sýningar Lab Loka eru frumsköpun (eina undantekningin er Marat/Sade.

Auk þjálfunar og sviðsetninga hefur hópurinn staðið fyrir ýmis konar menningarstarfsemi, t.d. viðburðastjórnun, námskeiðahaldi, gestaleiksýningum, myndlistarsýningum, ördanshátíðum, umræðufundum og ýmis konar gjörningum og uppákomum við ólík tækifæri.
Veldu fjölda miða

Ungkortið

10. okt. 2024 - fim. 20:30
Við erum hér - Nýr íslenskur söngleikur

Tjarnarbíó || Frumsýnt 15. október

Tjarnarbíó
Við erum hér - Nýr íslenskur söngleikur

Áskriftarkort - Ungkortið:

15. okt. 2024 - þri. 20:30

22. okt. 2024 - þri. 20:30

12. nóv. 2024 - þri. 20:30

19. nóv. 2024 - þri. 20:00

20. nóv. 2024 - mið. 20:00
,,Til hvers að gifta sig þegar það er enginn til að festa það á filmu?”
Sviðslistakórinn Viðlag býður þér í giftingu ársins! Þeir Bjartmar og Arnar ætla loksins að setja upp hringa og þér er boðið ásamt fjölskrúðugri fjölskyldu og litríkrum vinum. Við erum hér fjallar um ástina, gáskan og vandræðalegu augnablikin sem einkenna íslenskar giftingar þar sem fjölskylduböndin eru flókin, vinirnir eru með bein í nefinu og annar brúðguminn er Bridezilla.
Við erum hér er nýr íslenskur glymskrattasöngleikur. Verkið notast við lög úr nýjum og klassískum söngleikjum með glænýjum íslenskum textum.
Viðlag hefur í gegnum árin getið sér gott orð sem glæsileg viðbót við kór- og sviðslistamenningu á Íslandi. Þau hafa sett á svið nýja söngleiki og kórtónleika og byggja á hinni amerísku Glee klúbba hefð; þar sem söngur, leikur og dans eru í fyrirrúmi til að segja fallegar og fjölbreyttar sögur.
Kórstjóri:
Axel Ingi Árnason
Leikstjóri:
Agnes Wild
Höfundur:
Agnes Wild, Bjarni Snæbjörnsson, Inga Auðbjörg Straumland, Karl Pálsson og Steinunn Björg Ólafsdóttir.
Danshöfundur:
Guðný Ósk Karlsdóttir
Hljóðhönnuður:
Kristín Waage
Ljósahönnuður:
Aron Martin Ásgerðarson

Leikarar:
Aron Daðí Ichihashi Jónsson, Aldís Fjóla Borgfjörð Ásgeirsdóttir, Arna Rún Ómarsdóttir, Arnar Hauksson, Arnheiður Melkorka, Bjarni Snæbjörnsson, Bjartmar Þórðarson, Eric Heinen, Erla Stefánsdóttir, Greipur Garðarsson, Guðrún Ágústa Gunnarsdóttir, Hafsteinn Níelsson, Halldór Ívar Stefánsson, Halldóra Þöll Þorsteins, Hrafnhildur Eva Guðmundsdóttir, Hreindís Ylva Garðarsdóttir Holm, Inga Auðbjörg Straumland, Jimi Gadson, Jökull Ernir Jónsson, Jón Sigurður Gunnarsson, Karl Pálsson, Katrín Ýr Erlingsdóttir, Kristbjörg Ásta Viðarsdóttir, Kristinn Breiðfjörð, Sigríður Ásta Olgeirsdóttir, Sigur Huldar Ellerup Geirs, Sigurður Heimir Kolbeinsson, Snorri Hjörvar Jóhannsson, Steinunn Björg Ólafsdóttir, Tinna Margrét Hrafnkelsdóttir, Úlfar Viktor Björnsson.
Veldu fjölda miða

Ungkortið
Líkaminn er skál - Dansverk með leir

Tjarnarbíó || Síðustu sýningar

Tjarnarbíó
Líkaminn er skál - Dansverk með leir

Áskriftarkort - Ungkortið:

17. okt. 2024 - fim. 20:30
Eftir 10 FINGUR og Matteo Fargion

Allt sem við finnum, hugsum og segjum upplifum við í líkamanum. Líkaminn man allt. Hann er skálin sem heldur utanum allt það sem við erum og skynjum.

Rauði þráður sýningarinnar Líkaminn er skál er endurtekningin og kerfin sem eru allt í kringum okkur og inni í okkur. Hjartslátturinn, öndunin, frumurnar, takturinn í deginum, takturinn í náttúrunni, að við vöknum, burstum tennurnar og fáum okkur kaffi. Sýningin byggir á tilfinningunni sem kemur í kjölfar þess að takturinn í þessum kerfum fer úr jafnvægi. Þetta getur verið þegar við missum ástvin, heilsuna eða eldgos brýst upp í bakgarðinum. Eitthvað gerist sem kippir jörðinni undan fótum okkar og breytir öllu sem á eftir kemur. Allt sem okkur hefur fundist gefið er ekki eins og það var. Sumarið kemur ekki lengur á eftir vorinu. Frumur líkamans missa taktinn og fara á yfirsnúning. Að vera á lífi er skyndilega ekki sjálfgefið. Allt í einu er áþreifanlegt hvernig eitt andartak getur breytt öllu. En mitt í þessari óvissu og óreiðu fæðist eitthvað alveg nýtt.

Líkaminn er skál á óhlutbundinn hátt í ólínulegri frásögn þar sem líkamleg upplifun er tjáð með leir og takti.

Leikhópurinn 10 fingur hefur um árabil sérhæft sig í listsköpun á mörkum leikhúss og myndlistar. Hópurinn hefur unnið með mismunandi efni í fyrri sýningum sínum, eins og pappír, plast eða mold og rannsakað ólíka eiginleika þeirra og eðli og hvernig megi gefa þeim líf með hreyfingu og líkamstjáningu. Í sýningunni Líkaminn er skál tekst hópurinn á við leir en blandar nú aðferðum sínum saman við aðferðafræði sviðslistmannsins Matteo Fargion, sem er annar aðal höfundur sýningarinnar. Aðferðafræði hans byggir á ákveðnum formúlum úr tónsmíðum sem eru yfirfærðar á hreyfingu og líkamstjáningu og á því mjög vel við vinnuaðferðir leikhópsins 10 fingur. Líkaminn er skál er fyrir fullorðna ólíkt fyrri verkum hópsins.

Aðstandendur:
Höfundar: Helga Arnalds og Matteo Fargion
Meðhöfundar: Eva Signý Berger og Valgerður Rúnarsdóttir
Leikstjórn og kóreógrafía: Matteo Fargion og Helga Arnalds
Flytjendur: Helga Arnalds og Valgerður Rúnarsdóttir
Leikmynda- og búningahönnun: Eva Signý Berger og Helga Arnalds
Myndbönd: Helga Arnalds og Eva Signý Berger
Texti: Helga Arnalds, Vala Rúnarsdóttir og Eva Signý Berger
Tónlist: Matteo Fargion
Sönglög: Francesca Fargion
Lýsing: Ólafur Ágúst Stefánsson
Framleiðsla: 10 fingur og MurMur Productions; Ragnheiður Maísól Sturludóttir og Kara Hergils
Mynd á plakati: Margret Seema Takyar
Grafísk hönnun: Úlfur Arnalds
Skálar: Helga Arnalds, Eva Signý Berger og Valgerður Rúnarsdóttir

Sýningin er styrkt af Sviðslistasjóði, Launasjóði listamanna og Borgarsjóði Reykjavíkurborgar.
__________
MY BODY IS A BOWL
A dance piece with clay

By 10 fingers and Matteo Fargion

Everything we feel, think, and say we experience in the body. The body remembers everything. It is the bowl that holds all that we are and perceive.

The systems all around us and inside us, like the heartbeat, breathing, splitting of the cells, the rhythm of the day, the rhythm of nature, the habit of waking up, brushing our teeth, and having coffee, all of these repetitions are the triggers for the performance The body is a bowl and especially when the rhythm in these systems goes out of balance. This can be when we lose a loved one, our health, or a volcanic eruption breaks out in our backyard. Something happens that shakes the ground from under our feet and changes everything that follows. Everything we have felt given is not what it was. Summer no longer comes after spring. The body's cells lose their rhythm and go into overdrive. Being alive is not a given anymore. Yet in this uncertainty, something completely new is born.

My body is a bowl abstractly addresses the subject in a non-linear narrative, expressing physical experience through clay and rhythm.

The 10 Fingers have for years specialized in performances on the border of theater and visual art. The group worked with different materials in their previous performances, such as paper, plastic, or soil, studying their nature and how to give them life on stage through movement and body language. In the performance My Body is a Bowl, the group is working with clay. This time mixing its methods with the methodology of stage artist and composer Matteo Fargion, who brings certain formulas from music composition and transfers them to movement and choreography which fits very well with the working methods of 10 fingers. My Body is a Bowl is a performance for adults, unlike most of the group's previous works.

Artistic crew :
Authors: Helga Arnalds and Matteo Fargion,
Co-authors: Eva Signý Berger and Valgerður Rúnarsdóttir
Direction and choreography: Matteo Fargion & Helga Arnalds
Text: Helga Arnalds, Vala Rúnarsdóttir og Eva Signý Berger
Performers: Helga Arnalds and Valgerður Rúnarsdóttir
Set and costume design: Eva Signý Berger and Helga Arnalds
Choreographer: Matteo Fargion in collaboration with Helga Arnalds and Valgerður Rúnarsdóttir
Videos: Eva Signý Berger and Helga Arnalds
Music: Matteo Fargion
Songs: Francesca Fargion
Light design: Ólafur Ágúst Stefánsson
Production: 10 Fingers and MurMur Productions; Ragnheiður Maísól Sturludóttir and Kara Hergils
Photo for poster: Margret Seema Takyar
Graphic design: Úlfur Arnalds
Bowls: Helga Arnalds, Eva Signý Berger and Valgerður Rúnarsdóttir

My Body is a Bowl is funded by Performing Arts Fund, Artists' Salary Fund and Reykjavík Cultural Fund.
Veldu fjölda miða

Ungkortið

17. okt. 2024 - fim. 20:30
Jakob Birgis – Vaxtarverkir

Tjarnarbíó || 5. október - 6. desember 2024

Tjarnarbíó
Jakob Birgis – Vaxtarverkir

Áskriftarkort - Ungkortið:

19. okt. 2024 - lau. 20:30

07. nóv. 2024 - fim. 20:30
Vaxtarverkir er glæný uppistandssýning Jakobs Birgissonar í Tjarnarbíó. Hlátur lengir lífið – nema hugsanlega ef þú ert mjög veikur fyrir.
Jakob hefur á undanförnum árum komist til mikilla metorða sem uppistandari, meðal annars með sýningum sínum Meistara Jakob, Allt í gangi og Skóla lífsins. Sú síðastnefnda var sýnd í Sjónvarpi Símans.
Gegn framvísun miða á Vaxtarverki veitir Jómfrúin í Lækjargötu 15% afslátt af mat og drykk fyrir sýningu. Mundu að bóka borð!
Veldu fjölda miða

Ungkortið
Nýjustu töfrar og vísindi - Lalli Töframaður

Tjarnarbíó || Frumsýnt 15. september

Tjarnarbíó
Nýjustu töfrar og vísindi - Lalli Töframaður

Áskriftarkort - Ungkortið:

20. okt. 2024 - sun. 13:00

27. okt. 2024 - sun. 13:00

03. nóv. 2024 - sun. 13:00
Það er með mikilli gleði sem Tjarnarbíó kynnir til leiks okkar eina og sanna Lalla töframann með glænýja barnasýningu.
,,Nýjustu töfrar & vísindi” er stórskemmtileg og fræðandi sýning þar sem Lalli töframaður skoðar hvort það sé einhver raunverulegur munur á töfrum og vísindum.
Sýningar Lalla í Tjarnarbíói hafa heldur betur slegið í gegn síðustu ár hjá barnafjölskyldum og hlotið frábæra dóma gagnrýnenda en það má með sanni segja að núna sé Lalli að toppa sig með hreint framúrskarandi skemmtilegri sýningu fyrir börn og fullorðna!
Sýningin er full af skemmtilegum töfrum í bland við vísindatilraunir, grín, gleði og hamingju.
Sýningin er ætluð börnum 3 ára og eldri
Lengd sýningar 45 min
Veldu fjölda miða

Ungkortið
Bergur Ebbi - Hagsmunir

Uppistand í Tjarnarbíói || Frumsýnt 10. janúar 2025

Tjarnarbíó
Bergur Ebbi - Hagsmunir

Áskriftarkort - Ungkortið:

10. jan. 2025 - fös. 20:30

17. jan. 2025 - fös. 20:30

18. jan. 2025 - lau. 20:30

31. jan. 2025 - fös. 20:30
Bergur Ebbi mætir til leiks í Tjarnarbíó með glænýtt uppistand. Hagsmunir fjallar um samtímann og samskiptamynstur hans, hvernig við tölum saman, hvernig við hugsum um framtíðina og ekki síst um alla hlýlegu hversdagslegu hlutina sem skipta í raun mestu máli þegar upp er staðið.

Fyrri sýning Bergs Ebba, Kynslóðir, gekk fyrir fullu húsi í Tjarnarbíó á árunum 2022-23 og var sýnd hátt í fjörutíu sinnum. Þá var sýningin tekin upp og sýnd á RÚV árið 2024. Hagsmunir, er glæný sýning með nýjum efnistökum og nýjum hugsunum, og ætti ekki að valda aðdáendum góðs gríns og samfélagsgreininga vonbrigðum.

Bergur Ebbi er einn reyndasti uppistandari landsins með tæpa tveggja áratuga reynslu af uppistandi, fyrirlestrahaldi og alvarlegum jafnt sem gamansömum greiningum á samfélaginu í bókum, pistlum, sjónvarps- og útvarpsefni.

Um uppistandið Kynslóðir
„Sturlað fyndinn en líka alvöru hugsuður á fáránlega áreynslulausan hátt. Drepfyndnar pælingar, bráðþarfar í nútímamenningunni." - Auður Jónsdóttir, rithöfundur. FB
Veldu fjölda miða

Ungkortið
Ífigenía í ásbrú

Tjarnarbíó || Sýningar í janúar og febrúar

Tjarnarbíó
Ífigenía í ásbrú

Áskriftarkort - Ungkortið:

16. jan. 2025 - fim. 20:30

23. jan. 2025 - fim. 20:30

09. feb. 2025 - sun. 20:30
„Þú þarft ekki ljósmóður til þess að fylgja þér. Í versta falli eru sjúkraliðarnir full þjálfaðir, svo að – Og ég veit að ég ætti að mótmæla. Ég veit að ég ætti að gera það. En sársaukinn. Ég get ekki talað. Og það er enginn til þess að tala fyrir mig þannig...“
Ífígenía í Ásbrú (Iphigenia in Splott) er verðlaunaverk sem hefur farið í sigurför um heiminn. Leikritið fjallar um Ífí, stelpuna sem þú tekur sveig framhjá þegar þú mætir henni hauslausri fyrir hádegi. En það sem þú veist ekki er að þú stendur í ævilangri þakkarskuld við hana. Og nú er komið að skuldadögum.
Veldu fjölda miða

Ungkortið
Hver vill vera prinsessa?

Tjarnarbíó || Frumsýnt í janúar

Tjarnarbíó
Hver vill vera prinsessa?

Áskriftarkort - Ungkortið:

25. jan. 2025 - lau. 13:00

02. feb. 2025 - sun. 13:00

09. feb. 2025 - sun. 13:00
Þrjár prinsessur mætast óvænt og átta sig allar á að þær eru að díla við sama vandamálið. Þær finna ekki prinsinn sinn. Hann ætlaði að vera löngu kominn. Þær nefnilega geta ómögulega lifað hamingjusamlega til æviloka nema hann komi.....eða hvað?
Þeim mun betur sem þær kynnast komast þær betur og betur að því hversu lítið þær þurfa á þessum prinsum að halda. Þær eru sterkar, hæfileikaríkar og klárar stelpur sem geta allt!
,,Hver vill vera prinsessa?" er nýtt verk með söngvum eftir Raddbandið og Söru Martí sem hefur leikstýrt ótal barnaleiksýningum á borð við Karíus og Baktus í Hörpu, Jólaævintýri Þorra og Þuru og síðast Umskiptingnum í Þjóðleikhúsinu.
Raddbandið samanstendur af leikkonum sem eru líka hörkusöngkonur sem mynduðu tríó á covid tímanum. Þær eru Rakel Björk Björnsdóttir, Auður Finnbogadóttir og Viktoría Sigurðardóttir Stefaníudóttir.
Veldu fjölda miða

Ungkortið
Kafteinn Frábær

Tjarnarbíó || Frumsýnt í febrúar

Tjarnarbíó
Kafteinn Frábær

Áskriftarkort - Ungkortið:

12. feb. 2025 - mið. 20:30

20. feb. 2025 - fim. 20:30

27. feb. 2025 - fim. 20:30
- Hvert er ofurhetjunafnið þitt?
- Bara, þú veist... Kafteinn...
- Kafteinn hvað?
- Kafteinn Frábær.
- Það er ömurlegt nafn, pabbi.
- Nei, nei, það er fínt...
- Þetta er versta ofurhetjunafn ever, pabbi!

Magnús ætlaði aldrei að verða pabbi. Það bara gerðist einhvern veginn. Hann ætlaði heldur ekkert endilega að verða ofurhetjan Kafteinn Frábær, en stundum þarf maður að bulla sögur þegar börnin manns vilja ekki fara að sofa.
En á einhverjum tímapunkti gefa sögurnar sig og raunveruleikinn ryðst inn...
Kafteinn Frábær er einleikur um föðurhlutverkið, karlmennsku, sorg, missi og (auðvitað) ofurhetjur.

Leikari: Ævar Þór Benediktsson
Leikstjórn: Hilmir Jensson
Tónlist: Svavar Knútur
Höfundur: Alistair McDowall
Þýðing: Ævar Þór Benediktsson
Framleiðandi: MurMur
Plakat: Ómar Örn Hauksson
Ljósmynd: Einar Ingi Ingvarsson

?????“It’s a phenomenal achievement to nestle so much joyous, whimsy-free wonder in such a truthful, painful story” FestMagazine
????? “An intense performance that is moving and funny in equal measure … what is presented on stage is a work of pure joy” WhatsOnStage
????? “Captain Amazing is a beautiful show. You will marvel, cry and laugh” Broadway Baby
Veldu fjölda miða

Ungkortið
Brím

Tjarnarbíó || Frumsýnt í mars

Tjarnarbíó
Brím

Áskriftarkort - Ungkortið:

13. mar. 2025 - fim. 20:30

16. mar. 2025 - sun. 20:30

28. mar. 2025 - fös. 20:30
Ódauðleg list, auðvald og nepótismi eru meðal viðfangsefna í Brím, nýrri óperu Friðriks Margrétar-Guðmundssonar samin við líbrettó Adolfs Smára Unnarssonar. Eftir útskrift úr virtum listaháskóla í Amsterdam fær Nína Brím boð um að halda einkasýningu í þekktu galleríi heima á Íslandi. Hæfileikana sækir hún stutt, enda einkadóttir Karls Brím heitins, eins þekktasta listamanns þjóðarinnar frá seinni hluta 20. aldarinnar. Strax eftir opnunina renna þó á hana tvær grímur – í hverju nákvæmlega felst hrifning samlanda hennar á listaverkunum? Hvað er til sýnis og handa hverjum? Brím er fersk, áleitin og glettin samtímaópera með mörgum okkar hæfileikaríkustu söngvurum í aðalhlutverkum og frábæru listrænu teymi. Tilvalin upplifun fyrir óperuunnendur sem og áhugasama um formið.
Friðrik Margrétar hefur fest sig í sessi sem eitt okkar efnilegasta tónskáld, handhafi bæði Grímunnar og Íslensku tónlistarverðlaunanna. Adolf Smári hefur vakið athygli fyrir sýningar á borð við Nokkur augnablik um nótt, Kannibalen og Undir. Loks liggja leiðir þeirra saman á ný, en fyrsta ópera þeirra, Ekkert er sorglegra en manneskjan, hlaut sjö tilnefningar til Grímuverðlaunanna og hreppti tvö þeirra.
Aðstandendur:
Tónlist: Friðrik Margrétar-Guðmundsson.
Líbrettó og leikstjórn: Adolf Smári Unnarsson
Leikmynd og búningar: Auður Ösp Guðmundsdóttir.
Ljósahönnuður og tæknilegar útfærslur: Magnús Thorlacius.
Tónlistarstjóri: Sævar Helgi Jóhannsson.
Framleiðandi: Kara Hergils, MurMur Productions
Dramatúrg fyrir líbrettó: Júlía Gunnarsdóttir.
Söngvarar:
Áslákur Ingvarsson
Björk Níelsdóttir
Hanna Dóra Sturludóttir
María Sól Ingólfsdóttir
Ólafur Freyr Birkisson
Unnsteinn Árnason
Þórgunnur Arna Örnólfsdóttir
Mynd á plakati: Owen Fiene
Grafísk hönnun: Rakel Tómasdóttir
Sýningin er styrkt af Sviðslistasjóði og Launasjóði listamanna.
Veldu fjölda miða

Ungkortið
Soft Shell

Tjarnarbíó || Frumsýnt í apríl

Tjarnarbíó
Soft Shell

Áskriftarkort - Ungkortið:

10. apr. 2025 - fim. 20:30

2. sýning

3. sýning
Einkennilega aðlaðandi undraheimur úttroðinn af skringilegri ofskynjun
Soft Shell staðsetur okkur í einkennilega aðlaðandi undraheim þar sem íbúar þess kanna umhverfi sitt af næmni og mýkt í leit að rými fyrir nána hlustun og samveru.
Listræna teymi verksins sækir innblástur í fagurfræði og inntak ASMR myndbanda og skoðar í gegnum þá linsu hvort og hvernig sé hægt að vekja upp sömu tilfinningar í samhengi lifandi flutnings þar sem líkamar mæta mismunandi áferðum, litum og formum. Áhorfendum er boðið inn í hljóðlátan undraheim, þar þeim er leyft að fylgjast með óljósum og óhugnarlegum samskiptum, og þurfa að horfast í augu við óleysanlega gátu.

Katrín Gunnarsdóttir er margverðlaunaður danshöfundur sem hefur tekið þátt í fjölmörgum verkefnum hérlendis sem og víða erlendis og hlotið fjölmörg verðlaun og viðurkenningar. Katrín hefur mest unnið verk fyrir svið en einnig innsetningar í söfnum og óhefðbundnum rýmum. Síðustu ár hefur Katrín unnið að því að byggja upp hreyfitungumál og myndmál þar sem mýkt, hlustun, síbreytileg hreyfing og samruni líkama við umhverfi sitt leika lykilhlutverk.

Danshöfundur og listræn stjórnun: Katrín Gunnarsdóttir
Skapað í samstarfi við dansara: Ásgeir Helgi Magnússon, Saga Kjerúlf Sigurðardóttir
Leikmynda- og búningahönnuður : Eva Signý Berger
Ljósahönnuður: Jóhann Friðrik Ágústsson
Dramatúrgísk ráðgjöf: Rósa Ómarsdóttir
Framleiðandi: Heba Eir Kjeld
Mynd: Gunnlöð Jóna Rúnarsdóttir
Grafík: Sveinn Steinar Benediktsson
Í uppfærslu: Katrín Gunnarsdóttir/Menningarfélagið Tær

Með stuðningi frá: Ásmundarsalur, Reykjavík Dance Festival & Dansverkstæðið, Listaháskóli Íslands, wpZimmer, Theatre ROXY.
Styrkt af: Sviðslistasjóði, launasjóði sviðslistafólks og Reykjavíkurborg
Um fyrri verk:
"Tregafullt, einlægt, sárt og blítt, – allur skalinn, eins og manneskjan **** " -Mbl, NH, um Crescendo 2018
"Ég hreifst með og mátti vart blikka augum til að missa ekki af neinu. Þróun hreyfinganna var hæg og yfirveguð, svo nálgaðist fullkomnun." -hugras.is, um Crescendo 2018
“Eins og af öðrum heimi…hárbeitt samfélagsrýni **** ” SGM – fbl, um Þel, 2019

An artificial landscape of sensorial strangeness
Soft Shell is a duet created with and performed by Ásgeir Helgi Magnússon and
Saga Kjerúlf Sigurðardóttir, set in an artificial landscape. In Soft Shell, two
inhabitants practice intimacy through listening and affective labor, looking for a
voyeuristic safe haven for their soft encounters.
Drawing from the aesthetics and content of ASMR videos, Soft Shell explores how
and if these sensations can be evoked as bodies interact with sound and
installations that play with various textures, shapes, colors and different levels of
transparency. The audience is invited into a quiet, strange world where they are
allowed to witness ambiguous and uncanny relations, to be confronted with an
unsolvable puzzle.
Katrín Gunnarsdóttir is an multi award-winning Icelandic choreographer, whose work
focuses on soft encounters, using embodied listening and affective labour of the
dancer to create intricate choreographic landscapes. Katrín creates work for stage
but also creates installations in galleries, museums and public spaces. Her
performances have been shown across Iceland and in Europe.
Concept and choreography: Katrín Gunnarsdóttir
Created with and performed by: Ásgeir Helgi Magnússon, Saga Kjerúlf
Sigurðardóttir
Set Design and Costume : Eva Signý Berger
Light design: Jóhann Friðrik Ágústsson
Dramaturgical Advice: Rósa Ómarsdóttir
Producer: Heba Eir Kjeld
Photo: Gunnlöð Jóna Rúnarsdóttir
Graphics: Sveinn Steinar Benediktsson
A production of: Katrín Gunnarsdóttir/Menningarfélagið Tær
With the support of: Ásmundarsalur, Reykjavík Dance Festival & Dansverkstæðið,
Iceland University of the Arts, wpZimmer, Theatre ROXY.
Funded by: Iceland Performing Arts Funding, Artists´ Salary Fund and City of
Reykjavík
About previous works:
“Crescendo is bittersweet, sincere, painful and tender – the whole emotional scale
like the human being.” NH – mbl ****
“Thel is an experience that gives you peace and hope of a better world” SGM – fbl
****
Veldu fjölda miða

Ungkortið