Skip to content

Tix.is

Sinfó

  • 7. október 2025 kl. 20:00

Miðaverð:8.990 kr.

Um viðburðinn

Ef að GDRN semur lag fyrir Unu Torfa, hljómar það allt öðruvísi heldur en lag sem Una Torfa myndi semja fyrir sjálfa sig? Er Mugison lag ennþá Mugison lag ef Bríet syngur það? Hvar liggja höfundareinkenni söngvaskálda og hvernig hljómar það ef ekkert þeirra semur lag fyrir sjálft sig heldur einungis fyrir aðra?

Boðhlaup Söngvaskálda fer fram með þeim hætti að eitt söngvaskáld (singer-songwriter) semur lag sem næsta söngvaskáld í boðhlaupinu flytur. Flytjandinn semur svo eitt lag fyrir þann næsta í röðinni og svo koll af kolli. Þáttakendur geta ýmist flutt lagið einir og óstuddir eða nýtt sér hljómsveit sem einnig verður á sviðinu. Reglur boðhlaupsins kveða hinsvegar á um að höfundur lagsins megi ekki taka þátt í flutningi þess. Með þessum hætti er m.a. rannsakað hvar höfundareinkenni liggja í undirspili höfundar og hvernig einkenni flytjandans komast til skila við flutningin hans.

Við rásmarkið í ár eru Jón Jónsson - Mugison - Bríet - KK - Elín Hall - Bjarni Daníel - GDRN og Una Torfa. Þau munu taka af stað í Norðurljósasal Hörpu, þriðjudagskvöldið 7. október kl 20 og láta keflið ganga þar til þau verða komin í hring.

Boðhlaup Söngvaskálda er upphafsatriði State of the Art hátíðarinnar sem fer fram dagana 7. - 12. október 2025 víðsvegur á höfuðborgarsvæðinu. Hægt að er að næla sér í miða á staka viðburði á tix.is sem og hátíðarpassa sem veitir aðgang að öllum viðburðum.