Um viðburðinn

Per Møllehøj, gítar
Richard Andersson, bassi
Matthías Hemstock, trommur

Richard Andersson tríóið sameinar þrjá virta tónlistarmenn úr dönsku og íslensku jazzsenunni. Danski bassaleikarinn Richard Andersson hefur skapað sér sterka stöðu á alþjóðlegum vettvangi með fjölmörgum hljóðritunum sem hlotið hafa lof gagnrýnenda, auk samstarfs við stór nöfn á borð við Jerry Bergonzi, Jeff “Tain” Watts og Tony Malaby. Gítarleikarinn Per Møllehøj er meðal fremstu jazzleikara Danmerkur, þekktur fyrir ljóðrænan spilastíl og djúpa innsýn í hefðir jazzins. Hann og Andersson hafa átt farsælt og skapandi samstarf í gegnum árin í margvíslegum hljómsveitum. Trommuleikarinn Matthias Hemstock kemur með lifandi og frumlega rödd inn í tríóið; hann hefur verið ómissandi hluti af tríóinu Richard Andersson NOR í rúman áratug. Þetta er í fyrsta sinn sem þessir þrír tónlistarmenn stíga saman á svið sem tríó. Dagskráin samanstendur af frumsömdum verkum og nýstárlegum túlkunum á klassískum amerískum jazzperlum.