Um viðburðinn

Músíktilraunir er tónlistarhátíð sem á sér yfir 40 ára sögu en fyrstu tilraunirnar fóru fram árið 1982. Ungmenni á aldrinum 13-25 ára geta sótt um. Undankvöldin eru fjögur þar sem u.þ.b. 40 hljómsveitir keppa að því takmarki að komast áfram á úrslitakvöldið. 

Um 10-12 hljómsveitir komast í úrslit og hljóta efstu þrjár sveitirnar glæsileg verðlaun. Efnilegustu hljóðfæraleikararnir eru einnig valdir af dómnefnd en áhorfendur velja vinsælustu hljómsveitina með símakosningu. Undanfarin ár hefur úrslitakvöldinu verið útvarpað um land allt af Rás 2 og árið 2016 hóf Ríkissjónvarpið að streyma úrslitakvöldinu í beinni útsendingu á www.ruv.is.  

Músíktilraunirnar veita frábært tækifæri til þess að fylgjast með grasrótinni í íslensku tónlistarlífi og hafa hljómsveitir á borð við Of Monsters and Men, Samaris, Vök, Mínus og Mammút borið sigur úr býtum. 

Í ár voru undankvöldin haldin 27. mars - 30. mars, en úrslitakvöldið verður haldið í Norðurljósum 6.apríl kl.17:00. Miðaverð er 2.700 kr. og eftirfarin atriði keppa til úrslita: 

SPIRITUAL REFLECTIONS

SPLITTING TONGUES

LUCASJOSHUA

j. bear & the cubs

ÞÖGN

BIG BAND EYÞÓRS

ASBEZT

ELÍN ÓSEYRI

ROWN

GEÐBRIGÐI 

Nánari upplýsingar er að finna á:

www.musiktilraunir.is

www.facebook.com/musiktilraunir

Icelandair er aðalbakhjarl Músíktilrauna.

Músíktilraunir eru styrktar af ÝLI tónlistarsjóði fyrir ungt fólk www.ylir.is.