Um viðburðinn

Þorláksmessutónleikaröð Bubba Morthens 

er ein allra langlífasta tónleikahefð í aðdraganda jóla og eru ófáir sem geta ekki hugsað sér aðventuna án þeirra. Tón­leik­arn­ir eru merki­leg­ir fyr­ir þær sak­ir að þetta verður í 40. sinn sem Bubbi stend­ur fyr­ir Þorláksmessutónleikum. Fyrstu Þorláksmessutónleikarnir voru haldnir á Hótel Borg árið 1985 eða fyrir 39 árum. Þótt staðsetning tónleikana hafi breyst í gegnum tíðina má alltaf stóla á það að Bubbi mæti með gítarinn og perlar sín þekktustu lög á kvöldsins festi og rýnir í samtímann af sinni einstöku snilld.

Þorláksmessutónleikarnir verða á eftirtöldum stöðum á eftirfarandi dögum:
5. desember - Hotel Selfoss
7. desember - Hljómahöll Reykjanesbæ
11. desember - Lindakirkja Kópavogi
13. desember - Hof Akureyri
19. desember - Bíóhöllin Akranesi
23. desember - Eldborg Reykjavík

Hlökkum til að sjá ykkur.