Um viðburðinn

LEIKSTJÓRI
Alfonso Cuarón

HLJÓMSVEITARSTJÓRI
Timothy Henty

TÓNLIST
John Williams

KÓR
Söngsveitin Fílharmónía

KÓRSTJÓRI
Magnús Ragnarsson

Kvikmyndin Harry Potter og fanginn frá Azkaban™ er þriðja myndin í röðinni um galdrapiltinn frækna og félaga hans, Ron Weasley og Hermione Granger, og háskaleg ævintýri þeirra. Myndin naut gríðarlegra vinsælda þegar hún var frumsýnd árið 2004 en þegar hér er komið sögu er galdradrengurinn Harry Potter á þriðja ári í Hogwarts™.

Það eru sem fyrr þau Daniel Radcliffe, Rupert Grint og Emma Watson sem fara með hlutverk þríeykisins á eftirminnilegan hátt. Tónlistin í myndinni er eftir John Williams og er óhætt að segja að hún leiki stórt hlutverk, en kvikmyndin var meðal annars tilnefnd til Óskarsverðlauna fyrir bestu frumsömdu tónlistina. Þannig notar Williams leiðarstef til þess að lýsa persónum og draga fram andrúmsloft ákveðinna staða. Harry Potter og fanginn frá Azkaban™ er eitt dáðasta ævintýri síðari ára sem verður ljóslifandi á kvikmyndatjaldinu með lifandi tónlistarflutningi Sinfóníuhljómsveitar Íslands.

Kvikmyndin er sýnd með íslenskum texta. Mælt er með myndinni fyrir 8 ára og eldri.
Sýningartími er 2 klukkustundir og 45 mínútur

WIZARDING WORLD and all related trade- marks, characters, names, and indicia are © & TM Warner Bros. Entertainment Inc. Publishing Rights © JKR. (s23)