Um viðburðinn

Eftirhermuheilkenni

Anastasija Pirozenko - Litháen- 2016

Svipmyndir af holróma tónlistarmanni að syngja vestræn lög, mállausum blómasendli og fólki á jóganámskeiði.
____________________________________________________

Laurynas Bareisa - Litháen - 2017

Eitthvað hræðilegt gerist í unglingateiti. Myndin sýnir hvernig viðbrögð hóps geta kæffært harmleik einstaklings.
____________________________________________________

Liene Linde - Lettland - 2016

Ungur leikstjóri situr fyrir framan nefnd sem krefst svara við því hvers vegna hún hafi kosið að gera kvikmynd um eigin ástarsambönd og kynlíf.

Minnist þess að þér eruð leir

Elvina Nevardauskaite & David Heinemann - Litháen, Bretland - 2017

Í elstu verksmiðju Litháen er andrúmsloftið þrungið dulúð sem fær áhorfandann til að skynja eigin dauðleika.
____________________________________________________

Þrír ágústdagar

Madli Lääne - Eistland - 2017

Í miðju umrótinu við lok kalda stríðsins sameinast eistnesk stúlka og rússneskur drengur yfir gosflösku frá Vesturheimi. Mynd um óvænta vináttu sem skoðar heiminn með augum barns.
_____________________________________________________

Manivald

Chintis Lundgren - Eistland - 2017

Manivald,atvinnulaus 33 ára refur, lifir dauflegu lífi með móður sinni. En þegar úlfurinn Toomas birtist til að laga þvottavélina breytist allt.
____________________________________________________

Bláberjavín

Astra Zoldnere - Lettland - 2016

Á sumrin lifir rómafjölskylda af berjatínslu og styttir sér stundir með draugasögum.