Um viðburðinn

Unnur leikur, syngur og dansar sig í gegnum hræðsluna og nýtir tónlist til að klífa skelfilegustu fjöllin.
Unnur Elísabet hefur verið skíthrædd í 40 ár! Hrædd við myrkrið, fífla, vindkviður og stundum eplabita. En nú er komið gott.
Í þessari stórskemmtilegu sýningu fer hún yfir það sem hefur hamlað henni í lífinu hingað til – í leik, dansi og söng. Með henni á sviðinu er Stórsveit eða tveggja manna band, þetta er lítið svið.
Unnur sýnir að ef það er hægt að breyta hræðslu í létt Broadway-númer þá er allt mögulegt.

Með henni á sviðinu til halds og trausts eru Annalísa Hermannsdóttir og Einar Lövdahl Gunnlaugsson.
Tónlistastjóri er Halldór Eldjárn.
Sýningin er í leikstjórn Katrínar Halldóru Sigurðardóttur.
Sýningastjóri og ljósahönnuður er Sigurður Starr Guðjónsson.
Búningahönnuður: Sigrún Jörgensen.
Markaðstjóri Mikael Emil Kaaber.