Um viðburðinn

Í LJÓSI SÖGUNNAR

Hlustendahópurinn hefur stækkað jafnt og þétt þau sjö ár sem þátturinn hefur verið í loftinu, enda sannleikurinn oft lygilegri en nokkur skáldskapur. Og af nógu er að taka. Nú fá frásagnirnar að lifna öðru lífi þegar Vera flytur nýjar sögur í eigin persónu á Nýja sviðinu og nýtur aðstoðar Halls Ingólfssonar, tónlistarmanns, við sviðsetninguna. Þau munu kafa í atburði sem ekki hefur verið fjallað um áður og gefst áhorfendum og aðdáendum Veru því einstakt tækifæri til að hlýða á hana segja frá í eigin persónu.