Um viðburðinn

Eyjatónleikar með sumarlegu ívafi í beinu streymi

Á sama tíma – á sama stað

Beint frá Hörpu laugardagskvöldið 15.maí 2021 – miðasala þriðjudaginn 4.maí kl. 12

Til að horfa eru þrír möguleika í boði:
Sjónvarp Símans = kaupa miða hér og nota kóðann á miðanum til að opna fyrir dagskránna
VVVENUE – netstreymi = kaupa miða hér og nota kóðann á miðanum til að horfa í gegnum  VVENUE Nánari leiðbeingingar fyrir áhorf hjá Símanum og VVENUE hér

Sjónvarp Vodafone = EKKI kaupa neitt hér. Þú kaupir aðgang í gegnum myndlykil Vodafone.

Undanfarið ár hefur verið afar óvenjulegt og reynst okkur öllum krefjandi en sem betur fer höfum við flest náð að komast þokkalega frá því. Nú með hækkandi sól, sjáum við fram á betri tíð. Mikið álag hefur verið á mörgum og því ekkki úr vegi að lyfta sér aðeins upp.

Eyjatónleikar hafa farið fram í janúar ár hvert í Eldborgarsal Hörpu. Þetta árið þurftum við hinsvegar að fresta þeim til 15.maí, en nú er einnig orðið ljóst að ekki verður hægt að halda þá fyrir fullum sal af fólki.

Við höfum því ákveðið að fara með þá í beint streymi í Sjónvarpi Símans, sjónvarpi Vodafone og fyrir alla aðra sem ekki eru með myndlykla.  Við gefum þannig landsmönnum öllum tækifæri á að njóta með okkur, bæði Eyjalaganna, en ekki síður annarra vinsælla frá okkar frábæru flytjendum.

Úrval Eyjalaga og úrval laga frá listafólkinu sjálfu.

Þarna verða fluttar margar perlur íslenskrar dægurtónlistar af hreint frábærum listamönnum. Jón Jónsson, Friðrik  Dór, Ingó Veðurguð, Sigga Beinteins, Matti Matt, Katrín Halldóra og Alexander Jarl munu sjá um sönginn ásamt Kristjáni Gísla og Ölmu Rut og Jón Ólafsson stýrir stórhljómsveitinni sem sér um undirleikinn.

—————————————————————————————————————————

Listamennirnir sem skemmta á Eyjatónleikunum í ár tengjast öll Eyjunum og/eða Eyjatónleikunum sterkum böndum.

Jón og Friðrik Dór Jónssynir hafa bæði sungið og samið Þjóðhátíðarlög síðustu ár og skemmt á Þjóðhátíð nokkur undanfarin ár og komið og upplifað hátíðina með fjölskyldum sínum.

Ingó Veðurguð er ættaður úr Eyjum, sonur Þórarins Ingólfssonar, sonur Mörtu og Inga á Fjólugötu 4 í Eyjum.  Hann hefur unnið hug og hjört Eyjamanna og allra landsmanna með frábærri frammistöðu í Brekkusöngnum á Þjóðhátíð og er reglulegur þátttakandi í hinum ýmsu skemmtunum í Eyjum, enda einn vinsælasti skemmtikraftur landsins í dag.

Sigga Beinteins hefur skemmt ótal sinnum í Eyjum og oft á Þjóðhátíð og var með okkur í Hörpu í janúar 2013 og aftur 2014 og 2015, þannig að hún þekkir vel til verka.

Matti Matt hefur líkt og allir hinir skemmt ótal sinnum úti í Eyjum og var um tíma aðalsöngvari Papanna, sem voru í fyrstu sannkölluð Eyjahljómsveit. Hann mætti á Eyjatónleikana í fyrra og sló rækilega í gegn.

Katrín Halldóra er frábær leik- og söngkona og sló algjörlega í gegn í söngleiknum Ellý, þar sem hún flutti meðal annars eitt allra besta dægurlag íslenskt sem samið hefur verið, Ég veit þú kemur.

Alexander Jarl eru Eyjapeyi í húð og hár, ólst þar upp og steig sín fyrstu spor með afa Vitta sem söngvari á Illugagötunni. Hann hefur undanfarin misseri verið í frekara námi í sönglistinni. Alexender söng á Eyjatónleikunum 2015 og það verður sannarlega frábært að fá hann aftur.

Alma Rut og Kristján Gísla hafa verið með okkur undanfarin ár, bæði sem aðalsöngvarar og bakraddir. Kristján á rætur að rekja til Eyja og eftir alla tónleikana með okkur eigum við líka smá í Ölmu.

Stórsveit undir stjórn Jóns Ólafssonar mun svo sjá um að allt fara vel fram að öðru leiti á sviðinu í Eldborgarsal Hörpu, en hana skipa: Jón Ólafsson – hljómborð, Kjartan Valdemarsson – hljómborð og harmonikka, Birgir Nielsen – trommur, Eiður Arnarson – bassi, Jón Elfar Hafsteinsson – gítar, Matthías

Umsjón: Stóra Sviðið