Um viðburðinn

Söngkeppni framhaldsskólanna verður haldin í 30. sinn í ár og því verður öllu tjaldað til. Keppendur skólanna gefa allt í stóru stundina en aðeins einn stendur uppi sem sigurvegari. Gegnum árin hefur keppnin verið stökkpallur fyrir ungt og efnilegt tónlistarfólk fram á sjónarsviðið og verður keppnin í ár engin undantekning. Margir þjóðþekktir tónlistamenn hafa stigið sín fyrstu skref á sviði söngkeppninnar en þar má nefna Sölku Sól, Pál Óskar, Emilíönu Torrini, Hjaltalín, Glowie, Birgittu Haukdal, Aron Hannes og Eyþór Inga.

Keppnin verður haldin á þessu afmælisári í Íþróttahöllinni á Akureyri en verður það jafnframt í 10. skipti sem keppnin fer fram á Akureyri.

Ekki missa af þessu tækifæri til að styðja þinn skóla til sigurs.