Tix.is

  • 04. sep. - Kl. 20:00
Miðaverð:4.990 kr.
Um viðburðinn

Tuborg kynnir:

Þann 4. sept fagnar GDRN útgáfu samnefndrar plötu sinnar í Háskólabíói.

Öllu verður til tjaldað á stærstu tónleikum söngkonunnar til þessa og kemur Guðrún fram ásamt hljómsveit og góðum gestum.

Vart þarf að kynna landsmenn fyrir Guðrúnu Ýri Eyfjörð sem stimplaði sig inn í íslenska tónlistarsenu undir listamannsnafninu GDRN með plötunni 'Hvað Ef' árið 2018. Síðan þá hefur hún sungið sig inn í hjörtu landsmanna með frumlegri tónlist og einstakri sviðsframkomu. Á Íslensku tónlistarverðlaununum 2019 hlaut Guðrún fern verðlaun, þar á meðal fyrir popp-plötu ársins, lag ársins og sem söngkona ársins.

Síðastliðið eitt og hálft ár vann Guðrún ásamt þeim Magnúsi Jóhanni Ragnarssyni, Arnari Inga Ingasyni og fjöldanum öllum af hæfileikaríkum listamönnum að nýrri plötu sem ber nafnið GDRN og kom út þann 21. febrúar 2020. Platan verður flutt í heild sinni á tónleikunum ásamt breiðu úrvali af áður útgefinni tónlist. Þetta er viðburður sem enginn má láta framhjá sér fara.

Hljómsveitina skipa Bergur Einar Dagbjartsson, Magnús Jóhann Ragnarsson, Arnar Ingi Ingason & Rögnvaldur Borgþórsson.