VETRARBLÓT - Næturklúbbur í Hörpu á Vetrarhátíð
upsammy (NL)
Plútó DJs
NAVA VJs:
Allenheimer/DVDJ NNS/Grainy Picker
Í samstarfi við Landsbankann og Smirnoff
Eftirpartí með Plútó á Gauknum.
upsammy
Hin hollenska upsammy tryllti lýðinn á LungA síðasta sumar en er
annars fastagestur bak við plötuspilarana á bestu næturklúbbum Evrópu eins og
Panorama Bar í Berlín, Robert Johnson í Frankfurt og De School í Amsterdam.
Síðustu tvö ár hefur hún komið fram á hátíðum á borð við Dekmantel, Unsound,
Primavera Sound og Way Out West.
Plútó
Vikulegur útvarpsþáttur Plútó er síðasta vígi danstónlistar á
öldum ljósvakans og partíin sem snúðahópurinn hefur spilað í eru mörg hver
orðin goðsagnakennd í íslenskri raftónlistarsögu. Plútó spila einnig í
eftirpartíi sem fer fram á Gauknum sama kvöld (sami miði veitir aðgang meðan
húsrúm leyfir).
Allenheimer / DVDJ NNS / Grainy Picker
Sjónsnúðarnir Allenheimer, DVDJ NNS og Grainy Picker „spila á“ 40
metra háan ljósahjúp Hörpu. Allenheimer hefur gert tilraunir með ljósin á
hjúpnum allt frá árinu 2014 og DVDJ NNS og Grainy Picker hafa getið sér gott
orð sem sjónlistamenn hérlendis undanfarin misseri. Þetta verður í fyrsta sinn
sem spilað verður á ljósin live við tónlist.