Um viðburðinn

Forsöluverð til 24. desember 8.990 kr
Almennt verð 9.990 kr

“Bara það besta 2020 – Einlægni, Gleði, Hamingja!” er samkoma til að fá hvatningu og innblástur. Byrjaðu árið 2020 - með hlýju í hjarta.

8 fyrirlesarar úr ólíkum áttum munu segja frá hvernig þeir fundu leiðina að sínu eigin hjarta. Kynnar dagsins eru Helgi og Hjálmar úr hlaðvarpinu Hæ hæ!

Vertu velkomin í Hörpu laugardaginn 18. janúar 2020 frá kl. 10:00-13:30. Uppselt hefur verið síðastliðin þrjú ár.

Hugleiðingar dagsins:
1. Hið milda hjarta - Jónas Sigurðsson
2. Að gefa konunni sinni nýra - Veigar og Sirrý
3. Að halda áfram með lífið - Kristín Sif.
4. Ekki gefa innsæinu fokkjú merki - Solla Eiríksdóttir
5. Fimm lexíur frá börnunum mínum - Hjálmar Örn Jóhannsson
6. Tilfinningalegu skiptidílarnir - Helgi Jean Claessen
7. Kynorka og nánd - Helga Snjólfsdóttir

Þetta er ekki hefðbundin ráðstefna heldur viðburður með hjarta og sál.

Umsagnir um Bara Það Besta 2019.

"Hetjur fyrir að koma svona fram og opinbera sig. Virkilega vel heppnaður fyrirlestur, ætla leyfa mér að segja að þetta hafi verið besti fyrirlestur sem við höfum nokkurn tímann farið á. Takk"
- Rannar Carl Tryggvason

"Einstakur dagur sem skilur svo mikið eftir. Mig langar að þakka ykkur öllum innilega fyrir frábæra fyrirlestra - þvílík einlægni, orka og fegurð."
- Ingibjörg Kristín Ferdinandsdóttir  

"Magnaður dagur! Frábærir fyrirlesarar og góð fjölbreytni þar sem talað var frá hjartanu í bland við góðan húmor og fróðleik. Ég fór heim full af innblæstri, gleði og þakklæti"
- Steinunn Zophoníasdóttir

Hér má sjá nánar um þá sem tala:
1. Hið milda hjarta - Jónas Sigurðsson
Hvað er hið milda hjarta? Hvernig er karlmaður sem lifir í mildi? Hvernig má líta á barnæskuna, hjónabandið og hið daglega líf með mildi? Jónas verður með hugleiðingu sem spilar á alla strengi hjartans.
- Jónas Sigurðsson er söngvari.

2. Að gefa konunni sinni nýra - Veigar og Sirrý
Sirrý hafði barist við veikindi lengi, nýrun komin í 7% virkni og hún þurfti á nýju nýra að halda. Eiginmaður hennar til 25 ára, Veigar, steig fram og gaf henni sitt. Veigar og Sirrý hafa gengið í gegnum súrt og sætt - og koma saman fram til að segja sína sögu.
- Veigar og Sirrý bjuggu erlendis í tvo áratugi við nám og fyrirtækjarekstur.

3. Að halda áfram með lífið - Kristín Sif
Kristín Sif kom að unnusta sínum látnum - og þurfti að finna leið til að halda áfram með líf sitt og barna þeirra tveggja. Hvernig finnur maður þrautseigju til að takast á við áföll? Hvernig heldur maður áfram - þegar allt virðist vera stopp?
- Kristín Sif er einn þáttastjórnandi Ísland Vaknar á K100.

4. Fimm lexíur frá börnunum mínum - Hjálmar Örn Jóhannsson
Hjálmar vinnur sem skemmtikraftur. Hann hefur getið sér góðs orðs fyrir að kveikja í partýum í hlutverki Hvítvínskonunnar. Hvað er það sem fyrrum bílasali - lærði um lífið af börnunum sínum fjórum? Hjálmar deilir fimm lexíum.
- Hjálmar er skemmtikraftur og Snapchat stjarna. 

5. Ekki gefa innsæinu fokkjú merki - Solla Eiríks
Solla hefur unnið að heilsu fólks í áratugi - með grænfæði og föstum - og unnið verðlaun á sínu sviði. Sama lexían hefur birst aftur og aftur í gegnum tíðina. Að hlusta á hjartað - og þá fæðist ofurkrafturinn sem er innsæið!
-Solla Eiríksdóttir er kokkur, höfundur og heilsufrömuður.

6. Að gera upp tilfinningalegu skiptidílana – Helgi Jean Claessen.
Lykillinn að því að finna sinn eigin mátt er í fólkinu sem stendur okkur næst. Tilfinningalegir skiptidílar stjórna lífi okkar - og og eiga jafnan rætur að rekja til æsku. Að skilja sína eigin meðvirkni - er leiðin aftur úr deilum hugans - og til hjartans.
- Helgi er rithöfundur og útgefandi.

7. Kynorka og nánd - Helga Snjólfsdóttir
Hvernig getum við fundið dýpri nánd? Mögulega er nútímafólk margt svelt af nánd, en hvað er nánd? Hvernig spilar kynorkan inn í? Á endanum snýst þetta um að horfast í augu við sjálfan sig fyrst og læra að elska sig allan - og þaðan er hægt að mæta öðrum í djúpri nánd.
- Helga Snjólfsdóttir er verkfræðingur og jógakennari