Tix.is

  • 09. maí - Kl. 19:30
Miðaverð:5.990 - 10.990 kr.
Um viðburðinn

Fyrir 30 árum stofnuðu fjórir 13 ára drengir á Selfossi unglingahljómsveitina Skítamóral. Rétt fyrir aldamótin síðustu komu þeir svo eins og stormsveipur inn í íslenskt tónlistarlíf. Fullir orku og spilagleði slógu þeir rækilega í gegn, þeyttust um landið þvert og endilangt og sendu frá sér hvern smellinn á fætur öðrum.

Strákarnir hafa engu gleymt og nú ætla þeir að líta um öxl og halda stórtónleika í Eldborgarsal Hörpu. Umgjörðin verður hin glæsilegasta enda engu til sparað við að búa til ógleymanlega kvöldstund sem enginn sannur Skímó aðdáandi má láta fram hjá sér fara.
Hljómsveitin mun leika öll sín bestu og vinsælustu lög og lofar stuði og stemningu eins og þeim einum er lagið. Þetta verður nostalgíupakki fyrir allan
peninginn!

Hljómsveitina skipa:
Gunnar Ólason, söngur/gítar
Einar Ágúst Víðisson, söngur/gítar/ásláttur
Jóhann Bachmann, trommur
Herbert Viðarsson, bassi
Gunnar Þór Jónsson, gítar
Arngrímur Fannar Haraldsson, gítar.

Umsjón: Vinir Hallarinnar