Tix.is

  • 06. jún. - Kl. 20:00
  • 07. jún. - Kl. 20:00
Miðaverð:4.900 - 9.900 kr.
Um viðburðinn

Víkingur Heiðar Ólafsson, sem nýverið var útnefndur Listamaður ársins á Gramophone verðlaununum, heldur opnunartónleika Listahátíðar 2020. Fyrr á árinu vann Víkingur verðlaun BBC Music Magazine, fyrir einleiksplötu ársins auk þess sem plata hans var valin sú besta yfir alla flokka. Þá hlaut hann einnig þýsku tónlistarverðlaunin Opus Klassik, auk íslensku tónlistarverðlaunanna.

Á opnunartónleikum Listahátíðar leikur hann óviðjafnanlega efnisskrá af nýrri einleiksplötu sem kemur út hjá Deutsche Grammophon á vormánuðum. Á fyrri hluta tónleikanna vefur hann á einstakan hátt saman hljómborðsverkum Claude Debussy og Jean-Philippe Rameau, tveggja risa franskrar tónlistar, sem tengjast djúpum böndum þó 150 ár hafi skilið þá að. Að loknu hléi flytur hann svo eitt helsta meistaraverk rússneskra tónbókmennta, Myndir á sýningu eftir Modest Mussorgsky, í stórglæsilegri umritun Vladimir Horowitz.

Víkingur á netinu:
https://www.vikingurolafsson.com
https://www.facebook.com/vikingur.olafsson/
twitter @vikingurmusic
https://www.instagram.com/vikingurolafsson/

Listahátíð á netinu
https://listahatid.is/
https://www.facebook.com/listahatid.is/