Um viðburðinn

UPPSELT

Stjórnandi: Maestro Shih-Hung Young
Aðstoðarstjórnandi: Mike Schaperclaus
Hljómsveit: Sinfóníuhljómsveit Norðurlands
Kór: Söngsveitin Fílharmónía
Sópran: Kaitlyn Reddington
Einsöngvari barnakórs: Ólafur Þórarinsson
Kórstjórar: Egill Gunnarsson og Magnús Ragnarsson
Kórstjóri Barnakórs: Álfheiður Björgvinsdóttir

Hringadróttinssaga - Hilmir snýr heim (The Lord of the Rings - Return of the King) verður sýnd í fullri lengd í Eldborgarsal Hörpu ásamt stórri sinfóníuhljómsveit, einsöngvurum og kórum. Hin ógleymanlega saga Tolkiens vaknar til lífsins á ný með hinu fallega tónverki Howard Shore, einu virtasta kvikmyndatónskáldi samtímans, flutt af rúmlega 200 tónlistarmönnum á sviðinu.

Sögu Tolkiens þarf varla að kynna en hún hefur fangað hug og hjörtu fólks út um allan heim, en Peter Jackson tók þetta meistaraverk og umbreytti því yfir í þessar ótrúlegu kvikmyndir sem sópuðu að sér verðlaunum og lofi.

Tónlistin breiðir sig svo vítt og til svo ólíkra átta að til flutningsins þarf heila sinfóníuhljómsveit, blandaðan kór, barnakór og einleik, ásamt einsöngsflutning á þeim ólíku tungumálum, sem Tolkien skapaði: Quenya, Sindarin, Khuzdûl, Adûnaic og „Black Speech“ auk ensku. Hér rísa hefðbundin þjóðlög við hlið misstígra tilbeiðslusöngva og flókinna og samhnýttra tónbrigða, sem allt fléttast saman, stundum líkt og af handahófi. Í raun er þó ekkert handahófskennt við þessa tónlist. Hún á sér þvert á móti alltaf ákveðinn tilgang og innan þessa víða ramma afar mismunandi hljómgerða og tónsviða hefur Shore tekist að skapa áhorfendum ótrúlega nákvæma hljómsýn. Shore hefur bæði nýtt sér jarðbundnari tilfinningar, byggðar á gefnum eigindum og möguleikum hljómsveitarinnar, og ójarðneskara flæði, sem mætti líkja við hljómbrigði rennandi vatns, en þó án óþarfa tilgerðar eða skrauts.

Þeir sem tengja við þennan hugarheim vilja gjarnan horfa á myndina oftar en einu sinni og nú gefst tækifæri til þess að njóta hennar við undirspil heimsklassa tónlistarmanna sem færir söguna yfir í nýja vídd. Tónlistin verður algjörlega samstillt myndinni. Þessi einstaka sýning leyfir tónlistinni að njóta sín til fulls og veitir þannig áhorfendum tónleikaupplifun í hæsta gæðaflokki.

Athugið að myndin er ekki við hæfi barna undir 12 ára aldri.

Fimm verðsvæði eru í boði:
Úrvalssæti: 17.990     (fjólublátt á mynd)
A svæði:     15.990     (rautt á mynd)
B svæði:     13.990     (blátt á mynd)
C svæði:     10.990     (grænt á mynd)
D svæði:       7.990     (gult á mynd)*
*Skert sjónlína á sýningartjald er í sætum á svæði D, þó aldrei meira en 20% .

Sjá mynd af sal hér

Umsjón: Sena 

UM HOWARD SHORE

Howard Shore er í hópi virtustu og mikilvirkustu tónskálda og tónlistarstjórnenda og einnig meðal þeirra, sem oftast hafa verið verðlaunaðir fyrir afrek sín.

Tónsmíðar hans við kvikmyndaþríleik Peters Jackson upp úr Hringadróttinssögu, eða „Lord of the Rings“ verða þó að teljast hátindurinn á ferli hans til þessa og fyrir þær hlaut hann þrenn Óskarsverðlaun. Honum hafa einnig hlotnast Grammy-verðlaunin þrisvar sinnum og fjórum sinnum hefur hann unnið til Golden Globe-verðlauna. Shore var í hópi þeirra sem upphaflega sköpuðu „Saturday Night Live“ skemmtiþáttinn. Hann var tónlistarstjórnandi þáttanna frá 1975 til 1980.

Á þessum tíma hóf hann einnig að starfa með David Cronenberg og samdi tónlistina við 14 af kvikmyndum hans, þeirra á meðal Cosmopolis (2012), The Fly, Crash og Naded Lunch. Honum hlotnuðust Genie-verðlaunin fyrir frumsamda tónlist við myndirnar A Dangerous Method, Eastern Promises og Dead Ringers. Tónsmíðar hans ná yfir vítt svið og nefna má svo ólíkar kvikmyndir sem The Departed, The Aviator, Gangs of New York, Philadelphia, Mrs Doubtfire og The Silence of the Lambs eða Hugo eftir Martin Scorsese.

Howard Shore hefur auk alls annars verið verðlaunaður sérstaklega fyrir ævistarf sitt á sviði kvikmyndatónlistar og hann hefur einnig verið sæmdur heiðursdoktorsnafnbót við tvo háskóla, auk þess honum hafa verið veittar sérstakar heiðursviðurkenningar bæði í Frakklandi og Kanada.