Tix.is

  • 9.-12. júlí 2020
Miðaverð:16.990 kr.
Um viðburðinn

Eistnaflug er innihátíð í Neskaupstað, vinalegum litlum bæ á Austfjörðum, jafn langt frá Reykjavík og hægt er að komast án þess að fara úr landi. Síðasta hátíð heppnaðist gríðarlega vel. Það var rífandi stemning og allir fóru glaðir heim. Eistnaflug 2020 verður ekki síðri en hátíðin fagnar þá 15 ára starfsafmæli og er því 16. hátíðin framundan í júlí 2020 ásamt „Back to the Metal Roots“ viðburðum á höfuðborgarsvæðinu í vetur.
Síðast snérum við aftur til rótanna og héldum Eistnaflug í Egilsbúð og gerum það að sjálfsögðu aftur enda er Egilsbúð svo sannarlega hið rétta heimili hátíðarinnar!
Síðan 2005 hefur hátíðinni vaxið fiskur um hrygg og er nú þriggja daga tónlistarhátíð, þar sem metal-, harðkjarna-, pönk-, rokk- og indí-bönd deila saman sviði.
Eistnaflug er einstakur tónlistarsuðupottur, með nokkrum sérvöldum erlendum böndum sem spila ásamt gífurlegu úrvali alls þess besta sem íslenska senan hefur upp á að bjóða á hverju ári.
Fylgist með okkur á Facebook og Instagram en þar birtast allra nýjustu fréttir af hátíðinni og viðburðum henni tengdri!