Um viðburðinn

Leikhópurinn RaTaTam kynnir sýninguna SUSS! SUSS! er unnið upp úr 200 klst af viðtölum við fórnarlömb og gerendur í heimilisofbeldismálum á Íslandi. Hún var fyrst sýnd haustið 2016 í Tjarnarbíó og fyrir hana var RaTaTam útnefndur Listhópur Reykjavíkur 2017. RaTaTam var boðið á Copenhagen Stage árið 2017 og fór síðan með sýninguna til Færeyja árið 2018. RaTaTam og SUSS eru hluti af Evrópuverkefninu Shaking The Walls og munu árið 2020 halda í víking til Póllands og Tékklands.

Sýningarnar í Nóvember eru hluti af Shaking The Walls. Að lokinni hverri sýningu verða umræður með fagaðilum sem hafa með málaflokkinn að gera.

Sýningarnar 16. nóv og 18 nóv verða á Íslensku. Sýningarnar 17.nóv og 25.nóv verða á ensku. Með því vonumst við til að ná til innflytjenda, og allra þeirra sem hafa ekki þau tök á íslensku að þau treysti sér í leikhús.

Ókeypis er inn á allar sýningar sem eru kostaðar af samstarfsaðilum.