Tix.is

  • Frá 05. janúar
  • Til 29. febrúar
  • 32 dagsetningar
Miðaverð:4.500 kr.
Um viðburðinn

Þú getur nálgast gjafakort á sýninguna hér 


Splunkuný leikgerð af hinni vinsælu bók Gunnars Helgasonar um MÖMMU KLIKK! Varla þarf að kynnar Gunnar en hann er einn vinsælasti höfundur barnabóka á Íslandi og hafa t.a.m. kvikmynd og sjónvarpsþættir eftir bók hans Víti í Vestmanneyjum slegið í gegn. Mamma klikk! er ein mest verðlaunaða barnabók síðari ára og er næsta víst að margir bíða spenntir eftir að fá að sjá söguna lifna við á leiksviðinu.

MAMMA KLIKK fjallar um hina 12 ára gömlu Stellu sem á alveg snarklikkaða mömmu sem er óperusöngkona og er endalaust að koma Stellu í vandræðalegar aðstæður. Eftir sérstaklega vandræðalega uppákomu ákveður Stella að nú sé nóg komið og setur í gang plan til að gera mömmu sína venjulega. Á ýmsu gengur og margir koma við sögu eins og bræður hennar, þeir Siggi og Palli, pabbi hennar prófessorinn, Hanni granni og auðvitað Amma snobb.

Leikgerðin er unnin af Björk Jakobsdóttur sem jafnframt er leikstjóri. Stígur Steinþórsson gerir leikmynd, Freyr Vilhjálmsson hannar ljós og Hallur Ingólfsson sér um tónlistina. Söng- og leikdívan Valgerður Guðnadóttur er í hlutverki Mömmu klikk og Gríma Valsdóttur, sem sló í gegn í kvikmyndinni Svaninum, leikur aðalhlutverkið, hana Stellu. Meðal annara leikara eru gleðipinnarnir Gunni og Felix (já, Gunni leikur sjálfur í verkinu), hin fjölhæfa og skemmtilega Þórunn Lárusdóttir og Ásgrímur Gunnarsson sem kemur ferskur úr leiklistarnámi frá London auk frábærs hóps barna og unglinga.

MAMMA KLIKK! hefur allt til að bera sem frábær fjölskyldusýning þarf: stórskemmtilega sögu Gunnars Helgasonar, afar hæfileikaríkan leikhóp og leikstjóra, dillandi skemmtilega tónlist og síðast en ekki síst endalausa gleði og kærleik til áhorfenda.