Um viðburðinn

Skoðunarferðir um Hörpu eru ógleymanlegar. Leiðsögumenn Hörpu segja þér allt um hönnunina, hinn einstaka glerhjúp Ólafs Elíassonar og allt hitt sem gerir Hörpu að því einstaka mannvirki og miðstöð menningar sem hún er.

Í þessari ferð gefst þér kostur á að fara í leiðsögn um húsið sem endar á ljúfum tónleikum í Austurhlið Hörpu, sjaldséðu rými með einstakt útsýni yfir sundin og Esjuna.

Flytjendur tónleikanna, Ingibjörg Fríða Helgadóttir og Sigurður Ingi Einarsson, fara gegnum íslenska tónlistarsögu með söng og hljóðfæraleik, allt frá tvísöng miðalda til diskósins.

Ingibjörg Fríða og Sigurður Ingi starfa og hrærast í ýmsum stílum tónlistar í íslensku senunni. Ingibjörg Fríða er söngkona með klassíska og rytmíska menntun, syngur í jazz- og popphljómsveitum, klassískum kammerkórum og flytur eigin músík og annarra við ýmis tækifæri. Sigurður Ingi er menntaður slagverksleikari og hefur spilað með rokkhljómsveitum (VAR, Brött Brekka og Man Kind), í leikhúsi og sem meðleikari hjá ýmsum listamönnum. Hann gefur einnig út frumsamda tónlist undir eigin nafni. Saman hafa þau komið víða fram sem tvíeyki, sungið og spilað klassísk dægurlög og þjóðlagatónlist ásamt því að kenna tónlistarvinnusmiðjur.

Ingibjörg Fríða Helgadóttir, söngur
Sigurður Ingi Einarsson, gítar, slagverk og söngur

Athugið: Skoðunarferðirnar fara einungis fram ef nægjanleg aðsókn er. Ef það er ekki tilfellið getur ferðinni verið aflýst og miðahafar fá miðana endurgreidda.

Ferðirnar eru á ensku.