Um viðburðinn

Hljómsveitarstjóri
Daníel Bjarnason

Fram koma:  Bríet, Cell7, Flóni, GDRN, Joey Christ, JóiPé og Króli, Logi Pedro, Reykjavíkurdætur og Unnsteinn 

Sinfóníuhljómsveit Íslands á stefnumót við marga af vinsælustu tónlistarmönnum landsins á þrennum stórtónleikum í Eldborg. Þau sem koma fram og flytja lög sín í nýjum órafmögnuðum útsetningum fyrir sinfóníuhljómsveit eru: GDRN, Flóni, Bríet, Joey Christ, Logi Pedro, JóiPé og Króli, Cell7, Reykjavíkurdætur og Unnsteinn

Hjómsveitarstjóri er Daníel Bjarnason og útsetningar eru í höndum Viktors Orra Árnasonar. Tónleikagestir geta átt von á því að heyra lög eins og Án þín, Ógeðsleg, Geimvera og Rólegur kúreki ásamt fleiri þekktum lögum. Enginn má missa af þessum einstöku tónleikum þar sem um hundrað tónlistarmenn taka höndum saman og skapa nýja klassík.

Ungstirnin í nýrri íslenskri tónlist stíga á svið með Sinfóníuhljómsveit Íslands í fyrsta sinn.

Athugið að í samræmi við gildandi reglur almannavarna er Eldborgarsal Hörpu skipt upp í fimm sóttvarnahólf. Ávallt er eitt autt sæti milli pantana til að gæta að fjarlægðarmörkum. Þar að auki er grímuskylda á tónleikunum og vel gætt að öllum sóttvörnum í Hörpu.