Um viðburðinn

Benedikt Kristjánsson tenórsöngvari flytur efnisskrá fyrstu sóló-geislaplötu sinnar, "Drang in die Ferne", sem kom út hjá þýska plötufyrirtækinu GENUIN í apríl síðastliðnum. Platan hefur hlotið mikið lof gagnrýnenda í Þýskalandi. 

Efnisskráin samanstendur úr Íslenskum þjóðlögum, sungin án undirleiks, og sönglögum eftir Franz Schubert.
Benedikt hefur getið sér gott orð hér heima og erlendis sem ljóða og óratoríusöngvari.
Hann hefur einnig verið útnefndur "Bjartasta vonin" og "Söngvari ársins" á Íslensku tónlistarverðlaununum.
Hann hefur einnig unnið til verðlauna í alþjóðlegum keppnum og komið fram í þekktustu tónlistarhúsum Evrópu.