Um viðburðinn

Sviðsverk: Leikverk í fimm þáttum er útskriftarverk af sviðshöfundabraut eftir Tómas Helga Baldursson.

Culkins óperu- og leikhúsið, sem stendur við Borgargötu 17 í Reykjavík og var stofnað af dansk/enska kaupmanninum Anders Culkins, hefur aldrei átt meira erindi en núna. Innlend leikritun er í hávegum höfð og konur hafa aldrei verið í fleiri hlutverkum. Soffía fær að kynnast þeim róttæku listrænu öflum sem eru þar að verki, Valdi fær loksins nýjan vin og Flynn þarf enn að laga skjalatöskurnar sem Gísli eyðileggur eftir hverja sýningu. Bergur vill eignast nýtt eldhús og kötturinn hennar Edithar slasast og aftur þarf Vikkí að vera í staðinn fyrir hana á æfingum. Mads spilar tennis og Nína fær hausverk.

„Regnið hjúkrar mína þungu sál er ég kveð mína ást. Án Önnu enga sál ég fæ. Aðeins hlýindi regnsins. En hver eru mín hlýindi? Ég fer til Sankti Pétursborgar....og fer á fund hennar og Nikulásar keisara..."

Leikarar og meðhöfundar: Almar Blær Sigurjónsson, Ellen Margrét Bæhrenz og Níels Thibaud Girerd